Олон улсын зах зээлд алтны ханш нэг жилийн дээд цэгт хүрээд байна. Шаргал металлын ханш баасан гарагт 0.2 хувиар суларсан ч унци нь 1346 ам.доллартай тэнцсэн. Ингэснээр өнгөрсөн долоо хоногт алтны ханш 1.5 хувиар өсчээ. Хойд Солонгосын хурцатмал байдал ам.долларын ханшид дарамт болж, алтны ханшийг дэмжээд байна.

АНУ-ын Ерөнхийлөгчөөр Дональд Трамп сонгогдох үед буюу 2016 оны арваннэгдүгээр сард шар металлын ханш бас эрчтэй өсөж байсан. Тэгвэл Хойд Солонгосын хурцатмал байдлаас үүдсэн алтны ханшийн өсөлт үүнийг давсан байна.