Хөдөлмөр эрхлэлтийг дэмжих санд 2013 оноос хойш  30 гаруй тэрбум төгрөгийн авлага үүсжээ. Энэ талаар ХХҮЕГ-ын дарга Энхболд мэдээлэл өглөө.

Тэрээр "Хугацаа хэтэрсэн авлагын маш олон хэргүүд Шүүхийн шатанд хэлэлцэгдэж байна. Хөдөлмөр эрхлэлтийг дэмжих сангаас томоохон хэмжээний авлага үүсгэсэн Оёдлын нэгдсэн холбоо, Анод болон Капитал банк, иргэн, ААН-үүдийн 50 хүртэлх сая төгрөгийн авлагыг хэрхэн барагдуулах талаар чиглэл өгч ажиллаж байна. Нийт 30 тэрбум төгрөгийн авлага бий.

2013 онд Засгийн газрын тогтоолоор Хөдөлмөр эрхлэлт дэмжих сангаас 17 гаруй тэрбум төгрөгийг Оёдлын холбоонд шилжүүлсэн. 12 жилийн хугацаанд энэ авлагыг бууруулж чадахгүй байна. 

Санхүүгийн дэмжлэг үзүүлж зээл олгосон ч эргэн төлөөгүй иргэд, ААН-үүдийн мэдээллийг Монголбанкны зээлийн мэдээллийн санд бүртгэдэггүй сул талтай байв. Үүнтэй холбогдуулан зээлийн эргэн төлөлт удааширдаг байсан. Энэ асуудлыг цэгцэлж 2024 оноос эхлэн Зээлийн мэдээллийн санд бүртгэдэг болсон” гэлээ.