БНСУ-аас Монгол Улсад суугаа Элчин сайдын яамнаас Солонгос хоолны соёлыг түгээн дэлгэрүүлэх зорилгоор "Солонгос хоолыг хэн сайн хийх вэ?" уралдаан зарлажээ.

Оролцогчдын идэвхийг нэмэгдүүлэх зорилгоор урьдчилсан шатанд оролцох бичлэг хийж оролцох аргыг хоолны жор ирүүлэн оролцох боломжтой болгон өөрчилжээ. Оролцогч 18-аас дээш насны, тогооч мэргэжилгүй, Монгол Улсын иргэн байх ёстой.

Урьдчилсан шатны бүртгэл 2024 оны долоодугаар сарын 1-нээс наймдугаар сарын 9-ний 17:00 цаг хүртэл үргэлжлэх ба урьдчилсан шатны хариу наймдугаар сарын 16-нд гарна. Эцсийн шалгаруулалт наймдугаар сарын 31-ны 13:00 цагт Сүхбаатарын талбайд болно.

Дэлгэрэнгүй мэдээлэл болон удирдамжтай ЭНД дарж танилцана уу.

Эх сурвалж: БНСУ-ын ЭСЯ