Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
7
Сүүлийн долоон сарын хугацаанд Бруно Марс алдартай эмэгтэй уран бүтээлчидтэй хамтран хит дуунууд гаргаж, сая сая шүтэн бишрэгчдийг татаж буй.
Наймдугаар сард тэрбээр хожим “Grammy” шагнал хүртсэн “Die With a Smile” дуугаа Лэди Гагатай хамтран гаргасан бол аравдугаар сард “Blackpink” хамтлагийн гишүүн Rosé-той хамтран “APT” дууг олны хүртээл болгосон юм.
Үүний зэрэгцээ Бруно Марс “Spotify” дээр сарын 150 сая сонсогчтой болсон анхны уран бүтээлч болсны сацуу “Die with a Smile” дуу нь тус платформ дээр хамгийн богино хугацаанд нэг тэрбум хандалт авсан дуу болжээ. Одоогоор түүний 17 дууны хандалт нэг тэрбумын босго даваад байна.
Лэди Гага “Grammy”-ийн шагнал гардах үедээ “Бруно, чи бол гайхалтай хүн, бас бүх цаг үеийн шилдэг уран бүтээлчдийн нэг” хэмээж байв.
Эдгээр бүх амжилтын үр дүнд Бруно Марс энэ сард “Bloomberg’s Pop Star Power” эрэмбийн дөрөвдүгээрт бичигдэж байна.
“Бруно бол карьерынхаа туршид хамгийн бүтээлчээр ажиллаж, хөгжмийн түүхэнд үлдэхээр амжилт гаргасан уран бүтээлч” гэж түүний уран бүтээлийг хариуцан ажилладаг “Atlantic Records” хөгжмийн компанийн Гүйцэтгэх захирал Эллиот Грэйнж онцолжээ. Мөн “Тэр нэг төрөл жанраар хязгаарлагддаггүй онцгой авьяасаараа дэлхий даяар үе үеийн сонсогчдын хайрыг татаж чадаж байна” гэж тодотгов.
Түүний хамгийн алдартай дуунуудын цөөнгүй нь томоохон уран бүтээлчидтэй хамтран бүтээсэн дуунууд байдаг.
Бруно Марсын хуучны дуунууд ч амжилт үзүүлсээр байна. Өнгөрсөн долоо хоногт л гэхэд 2010 онд түүний гаргаж байсан “The Lazy Song” дуу “TikTok” дээрх бүжгийн трендийн ачаар “YouTube Music” жагсаалтын “Шилдэг 100 дуу”-ны жагсаалтын 58 дугаарт бичигджээ.
Түүний сүүлийн үеийн амжилтууд гайхах зүйл биш. Бруно Марс олон жилийн турш ашиг, орлого өндөртэй тоглолтууд хийж, дуунуудыг нь байнга сонсдог үнэнч сонсогчдынхоо бааз суурийг ямагт хадгалсаар ирсэн юм.
2014 онд Марк Ронсонтой хамтарсан “Uptown Funk” зэрэг дуу нь үдэшлэг, спортын арга хэмжээнүүдэд тогтмол эгшиглэдэг хэвээр байна.
Түүний хамгийн алдартай дуунуудын цөөнгүй нь томоохон уран бүтээлчидтэй хамтран бүтээсэн дуунууд байдаг. Тухайлбал: 2021 онд бөмбөрчин, дуучин Андерсон Пактай хамт “Silk Sonic” хэмээх хамтарсан цомгоо гаргаж байсан юм. Андерсон Пак хэдэн жилийн өмнө өгсөн нэгэн ярилцлагадаа “Би бүх л уран бүтээлчидтэй хамтарч байсан. Гэхдээ хамгийн шилдгүүдийн нэг болохыг хүссэн. Үүнд хүрэх нэг арга бий, тэр нь Бруно Марстай нэгдэх явдал гэж хүмүүс хэлдэг байсан” гэж онцолж байжээ.
Бруно Марсын ганцаарчилсан тоглолтууд ч асар олон үзэгчтэй байдаг. Өнгөрсөн оны наймдугаар сард Мехико хотод болсон гурван тоглолтынх нь 174 мянган тасалбар бүгд зарагдаж, 18.4 сая ам.долларын орлого олсон аж. Харин Лас Вегасын “Park MGM”-д 79 удаа зохион байгуулсан шоу нь нийт 124.5 сая ам.долларын орлого олжээ.
Г.Батбуян
Сүүлийн долоон сарын хугацаанд Бруно Марс алдартай эмэгтэй уран бүтээлчидтэй хамтран хит дуунууд гаргаж, сая сая шүтэн бишрэгчдийг татаж буй.
Наймдугаар сард тэрбээр хожим “Grammy” шагнал хүртсэн “Die With a Smile” дуугаа Лэди Гагатай хамтран гаргасан бол аравдугаар сард “Blackpink” хамтлагийн гишүүн Rosé-той хамтран “APT” дууг олны хүртээл болгосон юм.
Үүний зэрэгцээ Бруно Марс “Spotify” дээр сарын 150 сая сонсогчтой болсон анхны уран бүтээлч болсны сацуу “Die with a Smile” дуу нь тус платформ дээр хамгийн богино хугацаанд нэг тэрбум хандалт авсан дуу болжээ. Одоогоор түүний 17 дууны хандалт нэг тэрбумын босго даваад байна.
Лэди Гага “Grammy”-ийн шагнал гардах үедээ “Бруно, чи бол гайхалтай хүн, бас бүх цаг үеийн шилдэг уран бүтээлчдийн нэг” хэмээж байв.
Эдгээр бүх амжилтын үр дүнд Бруно Марс энэ сард “Bloomberg’s Pop Star Power” эрэмбийн дөрөвдүгээрт бичигдэж байна.
“Бруно бол карьерынхаа туршид хамгийн бүтээлчээр ажиллаж, хөгжмийн түүхэнд үлдэхээр амжилт гаргасан уран бүтээлч” гэж түүний уран бүтээлийг хариуцан ажилладаг “Atlantic Records” хөгжмийн компанийн Гүйцэтгэх захирал Эллиот Грэйнж онцолжээ. Мөн “Тэр нэг төрөл жанраар хязгаарлагддаггүй онцгой авьяасаараа дэлхий даяар үе үеийн сонсогчдын хайрыг татаж чадаж байна” гэж тодотгов.
Түүний хамгийн алдартай дуунуудын цөөнгүй нь томоохон уран бүтээлчидтэй хамтран бүтээсэн дуунууд байдаг.
Бруно Марсын хуучны дуунууд ч амжилт үзүүлсээр байна. Өнгөрсөн долоо хоногт л гэхэд 2010 онд түүний гаргаж байсан “The Lazy Song” дуу “TikTok” дээрх бүжгийн трендийн ачаар “YouTube Music” жагсаалтын “Шилдэг 100 дуу”-ны жагсаалтын 58 дугаарт бичигджээ.
Түүний сүүлийн үеийн амжилтууд гайхах зүйл биш. Бруно Марс олон жилийн турш ашиг, орлого өндөртэй тоглолтууд хийж, дуунуудыг нь байнга сонсдог үнэнч сонсогчдынхоо бааз суурийг ямагт хадгалсаар ирсэн юм.
2014 онд Марк Ронсонтой хамтарсан “Uptown Funk” зэрэг дуу нь үдэшлэг, спортын арга хэмжээнүүдэд тогтмол эгшиглэдэг хэвээр байна.
Түүний хамгийн алдартай дуунуудын цөөнгүй нь томоохон уран бүтээлчидтэй хамтран бүтээсэн дуунууд байдаг. Тухайлбал: 2021 онд бөмбөрчин, дуучин Андерсон Пактай хамт “Silk Sonic” хэмээх хамтарсан цомгоо гаргаж байсан юм. Андерсон Пак хэдэн жилийн өмнө өгсөн нэгэн ярилцлагадаа “Би бүх л уран бүтээлчидтэй хамтарч байсан. Гэхдээ хамгийн шилдгүүдийн нэг болохыг хүссэн. Үүнд хүрэх нэг арга бий, тэр нь Бруно Марстай нэгдэх явдал гэж хүмүүс хэлдэг байсан” гэж онцолж байжээ.
Бруно Марсын ганцаарчилсан тоглолтууд ч асар олон үзэгчтэй байдаг. Өнгөрсөн оны наймдугаар сард Мехико хотод болсон гурван тоглолтынх нь 174 мянган тасалбар бүгд зарагдаж, 18.4 сая ам.долларын орлого олсон аж. Харин Лас Вегасын “Park MGM”-д 79 удаа зохион байгуулсан шоу нь нийт 124.5 сая ам.долларын орлого олжээ.
Г.Батбуян