Улсын Их Хурлын зарим гишүүн өнөөдөр Төвбанканд ажиллав.

Улсын Их Хурлын гишүүн М.Мандхай, “Шинэ хоршоо” хөтөлбөрийн хүрээнд өнөөдрийн байдлаар малчдад 495.3 тэрбум төгрөгийн зээл олгосон.

• 78.8 хувь нь Төрийн банк,
• 21 хувийг Хаан банк олгосон байна.

Гэвч хөнгөлөлттэй хүүтэй зээл авах хүсэлт өгсөн, шаардлага хангаж, зээл нь зөвшөөрөгдсөн малчид олон байгаа ч зээл олгох эх үүсвэргүй болжээ. Иймд “Шинэ хоршоо хөдөлгөөн”-ий хөнгөлөлттэй хүүтэй зээлийг хэрэгжүүлэх гэрээнд гарын үсэг зурсан арилжааны бусад банкуудын зээл олголтыг идэвхжүүлэх шаардлагыг Төв банкны удирдлагуудад тавив.

УИХ-ын дарга Д.Амарбаясгалан УИХ, Засгийн газар энэ хөтөлбөрийн нийт санхүүжилт 5 их наяд гэж баталсан. Ийм байхад төрийн байгууллагууд малчдад хүнд суртал үүсгэж, зээл олгохгүй хүлээлгэж байна гэсэн юм.

Энэ хөтөлбөрийн татаасанд энэ онд 500 тэрбум төгрөг баталсан.

Энэ үеэр Д.Энхтүвшин "Саяхан Улсын Их Хурлаар төсвийн тодотгол, Засгийн газрын үйл ажиллагааны мөрийн хөтөлбөр батлагдсан. Үүнтэй холбоотой хөрөнгө оруулалтын зардал нэмэгдэх учраас мөнгөний ханшид нөлөөлж магадгүй.

Энэ эрсдэлээс хэрхэн хамгаалах вэ, аж ахуйн нэгжийн хувьд зээлийн хүүг бууруулах талаар ямар арга хэмжээ авах вэ" хэмээн асууж, хариулт мэдээлэл авав.

Энэ оны улсын төсвийг тодотгосноор зардал гурван их наяд төгрөгөөр нэмэгдсэн. Ирэх гурван жилд нийт 11 их наяд төгрөгийг улсын төсвийн хөрөнгө оруулалтад суулгасан юм.   

Цалин, тэтгэвэр, тэтгэмж нэмэхээр бүтээгдэхүүний үнэ нэмэгддэг талаар Улсын Их Хурлын гишүүн П.Батчимэг хэлээд өрхийн орлого өсөх хэрээр бүтээгдэхүүний үнийн өсөлтийг “барих” талаар асууж, байр сууриа илэрхийлжээ.