Б.Цогнэмэхийн зохиол, Улсын гавьяат зүтгэлтэн, Төрийн соёрхолт Н.Наранбаатрын найруулга "Асарын өндөр" түүхэн жүжиг тавдугаар сарын 19-нд 19:00 цагт Улсын драмын эрдмийн театрын тайзнаа ганцхан тоглох гэж байна.

Энэхүү бүтээл нь Монголын орчин үеийн тайзны урлагт шинэ үзэгдэл болоод зогсохгүй Монголын тулгар төр хэдэн мянганы түүхтэй, бүс нутгийн хэмжээнд өндөр үүрэг гүйцэтгэдэг байсан гэдгийг харуулснаараа онцлог бүтээл юм.

Тус жүжгийн уран бүтээлчид “Гэгээн муза-18” олон улсын театрын наадмын 

• Шилдэг найруулагч номинацид: Н.Наранбаатар /УГЗ ТС/, 
• Шилдэг тайзны зураач номинацид: С.Ариунболд, 
• Шилдэг хөгжмийн зохиолч номинацид: Ш. Өлзийбаяр /УГЗ/, 
• Шилдэг эрэгтэй гол дүрийн номинацид: Хутагтайн дүрээр С.Нямжав /СТА/ , 
• Шилдэг эрэгтэй туслах дүрийн номинацид: Хохой түшмэлийн дүрээр А.Цэрэнбалжир /СТА/, 
• Шилдэг эмэгтэй гол дүрийн номинацид: Хасун хатаны дүрээр Б.Тогтохжаргал /СТА/, 
• Шилдэг эмэгтэй туслах дүрийн номинацид: Улаанцолмонгийн дүрээр О.Үржинханд /СТА/ нар тус тус нэр дэвшин өрсөлдөж байна.