Ойрын өдрүүдэд ихэнх нутгаар дулаан байна.  

Хур тунадас: 26-нд зүүн аймгуудын нутгийн зарим газраар, 29-нд Хэрлэн, Онон, Улз голын хөндийгөөр, 30-нд Алтай, Хангай, Хөвсгөл, Хэнтийн уулархаг нутгаар нойтон цас, цас орж, зөөлөн цасан шуурга шуурна.

Салхи: Ихэнх хугацаанд говь, тал, хээрийн нутгаар секундэд 6-11 метр, 29-нд төв, зүүн аймгуудын нутгаар, 30-нд Алтайн уулархаг нутгаар секундэд 16-18 метр хүрч, шороон шуурга шуурна.  

Агаарын температур: Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө -4...-9 градус хүйтэн, өдөртөө +8...+13 градус, говийн бүс нутгийн өмнөд хэсгээр шөнөдөө +3...+8 градус, өдөртөө +18...+23 градус дулаан, бусад нутгаар шөнөдөө -2...+3 градус дулаан, өдөртөө +13...+18 градус дулаан байна. 26, 29-нд нутгийн зүүн хагаст сэрүүхэн байна.

Улаанбаатар орчмын 10 хоногийн цаг агаарын урьдчилсан төлөв

Бүх хугацаанд хур тунадас орохгүй. Ихэнх хугацаанд секундэд 5-10 метр,29-нд баруун өмнөөс хойш эргэж секундэд 12-14 метр хүрч, шороон шуурга шуурна.

Шөнөдөө Яармаг-Сонгины орчмоор -3...-8 градус хүйтэн, бусад хэсгээр -2...+3 градус дулаан, өдөртөө +13...+18 градус дулаан байна. 26, 29-нд сэрүүхэн байна.