Иргэн Э-г аймгийн Засаг даргын захирамжаар ажлаас нь чөлөөлжээ.

Э “Намайг ажлаас чөлөөлсөн тушаалыг хоёрдугаар сард гаргасан ч албан ёсоор надад гардуулж өгөөгүй. Тавдугаар сард гардуулж өгсөн гэж тайлбарлан ажилгүйдлийн тэтгэмж авахаар холбогдох материалыг аймгийн Нийгмийн даатгалын хэлтэст тавдугаар сард бүрдүүлж өгсөн байна.

Ажлаас халагдсан даатгуулагч ажил олгогчтойгоо тооцоо хийж дууссанаас хойш 14 хоногийн дотор, хүндэтгэн үзэх шалтгаантай бол 3 хүртэл сарын дотор оршин суугаа нутаг дэвсгэрийнхээ хөдөлмөр эрхлэлтийн алба, уг бирж байхгүй бол нийгмийн даатгалын байгууллагад бүртгүүлэх үүрэгтэй гэж Нийгмийн даатгалын сангаас олгох ажилгүйдлийн тэтгэмжийн тухай хуульд заасан.

Нийгмийн даатгалын байгууллагад бүртгүүлэх үүргээ зөрчиж хугацаа хожимдуулж хандсан байна.

Гэтэл иргэн Э 2 сар 19 өдөр өнгөрснөөс хойш Нийгмийн даатгалын байгууллага болон Хөдөлмөр, халамжийн үйлчилгээний газар бүртгүүлсэн учраас ажилгүйдлийн тэтгэмж олгох боломжгүй гэж ... аймгийн Нийгмийн даатгалын хэлтсээс мэдэгджээ.

Гэвч иргэн Э .... аймгийн Нийгмийн даатгалын хэлтэст холбогдуулан Нийгмийн даатгалын сангаас ажилгүйдлийн тэтгэмж олгохгүй байгаа эс үйлдэхүй нь хууль бус болохыг тогтоох, Нийгмийн даатгалын хэлтэст ажилгүйдлийн тэтгэмж олгохыг даалгах нэхэмжлэлийн шаардлага шүүхэд гаргасан байна.

Түүний хувьд ажлаасаа чөлөөлөгдсөн хугацаанаас өмнө 24 сараас доошгүй хугацаанд, үүнээс сүүлийн 9 сард нь нийгмийн даатгалын шимтгэлийг тасралтгүй төлсөн байх хуулийн шаардлагыг хангаж ажилгүйдлийн тэтгэмж авах урьдач нөхцөлийг хангасан байна.

Харин Нийгмийн даатгалын сангаас олгох ажилгүйдлийн тэтгэмжийн тухай хуульд заасан даатгуулагчаас хамаарах хуулиар хүлээсэн үүргээ биелүүлээгүй буюу ажлаас халагдсан, чөлөөлөгдсөн даатгуулагч нь ажил олгогчтойгоо тооцоо хийж дууссанаас хойш 14 хоногийн дотор оршин суугаа нутаг дэвсгэрийнхээ хөдөлмөр эрхлэлтийн алба, уг бирж байхгүй бол нийгмийн даатгалын байгууллагад бүртгүүлэх үүргээ зөрчиж хугацаа хожимдуулж хандсан байна.

Иймд иргэн Э-д нийгмийн даатгалын сангаас ажилгүйдлийн тэтгэмжийг олгохоос татгалзсаныг хуульд нийцсэн гэж шүүхээс дүгнэжээ.

Эх сурвалж: Архангай аймаг дахь Захиргааны хэргийн анхан шатны шүүх