“Rio Tinto”-ийн нэгж “Rio Tinto Iron and Titanium” компани Канадын Квебек дэх металлургийн цогцолбортоо “Bluesmelting” технологийг нэвтрүүллээ. Энэ нь Квебек дэх үйл ажиллагааны нүүрстөрөгчийн ялгарлыг бууруулах зорилтын нэг хэсэг аж.

“Bluesmelting” төслийн хүрээнд хүлэмжийн хийн ялгарлыг одоогийн хэмжээнээс 95 хувиар бага түвшинд хүргэж, титаны давхар исэл, ган болон нунтаг металл үйлдвэрлэнэ.

Энэхүү технологийг “Rio Tinto”-ийн Квебек дэх уурхайн чухал ашигт малтмал, технологийн төвийн эрдэмтэд боловсруулсан байна.

“Rio Tinto” болон Канад улсын Засгийн газар ирэх найман жилийн хугацаанд Квебек дэх цогцолборын үйл ажиллагааг нүүрстөрөгчөөс ангижруулахад 537 сая ам.долларын хөрөнгө оруулахаар төлөвлөжээ.

Ц.Бадмаараг