Өнөөдөр дэлхийн хүүхэлдэйн театрын өдөр.  Иймд Монголын Театрын музейн үзэсгэлэнгийн танхимд хүүхэлдэйн театрын найруулагч, хүүхэлдэйн урлагийн магистр Б.Алтан-Очир хувийн цуглуулгаа танилцуулав.

Тэрээр Хүүхэлдэйн театрын найруулагч, даргаар ажиллаж байгаад тэтгэвэртээ гарчээ. 1948 оны долдугаар сард зохиолч Н.Надмид, М.Чойжамц, А.Дашдондог нарыг ЗХУ-ын С.Образцовын нэрэмжит театрт дадлага хийлгэхээр явуулжээ. Тэд ирээд “Гайхамшигт хайрцаг” жүжгийг хийснээр Монголын “Хүүхэлдэйн театр”-ын суурь тавигдсан түүхтэй.

1957 онд манай улс олон улсын хүүхэлдэйчдийн холбоонд гишүүнээр элсжээ. Энэ түүхийг гэрчлэх хуучны зургууд Б.Алтан-Очир найруулагчид хадгалаатай байна. “Хүүхэлдэйн театр”-ын амин сүнс нь “Үйлдвэр анги” буюу “Хүүхэлдэйн урлан” аж. Барималч, зураач, оёдолчин, мужаан гээд олон  хүний хүчээр хүүхэлдэй амилдаг байна.

Б.Алтан-Очир найруулагчийн хувийн цуглуулгад Хүүхэлдэйн театрын 73 жилийн түүхийг өгүүлэх олон гэрэл зураг багтжээ.  

Гэрэл зургуудыг Д.Жавхлантөгс