Өргөө амаржих газар төрөлжсөн мэргэшлийн эмнэлгийн гадна машиндаа төрсөн талаарх мэдээлэл нийгмийн сүлжээнд иргэдийг талцуулсан. Хэсэг бүлэг нь эмнэлэгийг буруутгасан бол зарим нь лайв хийхийн оронд төрөх дөхсөн эхнэртээ тусалсангүй хэмээн аавыг нь шүүмжлэв.

Олон нийтийн анхаалд өртсөн эл үйл явдлын талаар Өргөө амаржих газар төрөлжсөн мэргэшлийн эмнэлгийн Эмчилгээ эрхэлсэн дэд захирал Ц.Алтантуяагаа “Баянзүрх дүүргийн харьяат 26 настай эмэгтэйн хоёр дахь төрөлт байсан. Нөхрийнхөө хамт хувийн машинаар төрөх эмнэлэгт ирсэн боловч  буруу хаалган дээр очиж зогсоод үйлчилгээ авахыг хүссэн.

Машинаа төв зам дагуу байрлуулсан байсан учир манайхаас хоёр эмч очиж, үзлэг хийхэд төрөх үйл явц хэдийнэ эхэлсэн байсан. Тиймээс хүүхдийг машинд төрүүлсэн” хэмээсэн юм.

Уг үйл явдалтай холбоотойгоор Өргөө амаржих газар төрөлжсөн мэргэшлийн эмнэлэг үүдний хэсгийн байршлаараа постер хийж, иргэдэд мэдээлэл түгээжээ.

ЭМНЭЛГИЙН ҮҮДЭН ХЭСГИЙН ХАЯГ БАЙРШИЛ

• Нэгдсэн хүлээн авах, яаралтай тусламжийн тасаг-Ертөнцийн зүгээр зүүн тийш харсан хаалга /Арслантай гүүрлүү харсан хаалга/
• Амбулатори- Ертөнцийн зүгээр хойшоо харсан Моносын эмийн сантай хаалга /Төв замруу харсан хашаа нь дотроо байрлалтай/
• Эргэлт – Ертөнцийн зүгээр зүүн тийм харсан /ЭМЖЖ эмнэлгийн баруун хойд талд байрлах хаалга/ Төрсний дараах болон жирэмсний эмгэг эмчлэх тасгийн эргэлт урд байр 2,3,4 давхаруудын эргэлт/
• Эргэлт, хүлээлгийн хэсэг – Ертөнцийн зүгээр урагшаа харсан буюу хуучнаар эх хүүхдийн хөшөөтэй хаалга / төрөх өрөө болон мэс заслын эргэлт авах хэсэг, мөн төрсөн болон төрөх гэж байгаа эхчүүдийн ар гэр мэдээлэл өгөх хэсэг/
• Нярайн тасаг эргэлт – Амбулаторийн хаалгаар ороод 2 давхарын шатаар дээш гарна /нярайн эмгэг болон эрчимт эмчилгээний тасгийн эргэлтийг дуугүй хөтөчийн дагуу явна
• Эмэгтэйчүүдийн тасаг эргэлт - Ертөнцийн зүгээр хойшоо харсан Моносын эмийн сангийн зүүн талын хаалга /Шатаар дээш гарч эмэгтйэчүүдийн тасгийн 3,4,5 давхруудын эргэлт өгнө/
• Захиргаа – Ертөнцийн зүгээр баруун тийш харсан хаалга /Бор модон хаалга захиргаа гэсэн хаягтай/