Аливаа улс үндэстний соёл сэтгэлгээг илтгэж, түүхийг өгүүлэх бат дархлаа нь хэл бөгөөд хэлний дархлаа нь үгийн сан, бичгийн хэлд оршино. Тиймээс таны үгийн сангийн мэдлэгт нэмэр болгож дараах үгсийг мэдэхгүй нэгэнд нь таниулж, мэддэг нэгэнд нь сануулж буй. 

"Монгол хэлний зөв бичих дүрмийн журамласан толь"-ийн цахим дахь хэлбэр болох toli.gov.mn сайтын эрэлттэй болоод шинэ үгсийг бид та бүхэнд цуврал болгон түүвэрлэн хүргэж буй билээ.

Хэрэв танд тайлбар хүссэн үг бий бол "сэтгэгдэл" хэсэгт бичиж үлдээнэ үү. 

ИННОВАЦ /гадаад үг/

Товч утга:  Латин хэлний "innovates" буюу "шинэчлэх, өөрчлөх" гэсэн үгээс үүсэлтэй. Шинжлэх ухаан, технологийн үйл ажиллагааны үр дүнд бий болсон эдийн засаг, нийгмийн асуудлыг шийдвэрлэх зорилгоор ашиглаж болохуйц оюуны бүтээлийг баялаг болгон хувиргах цогц үйл явц.

Хувилал: 

• инновацын [харьяалах т.я.]
• инновацад [өгөх орших т.я.]
• инновацыг [заах т.я.]
• инновацаас [гарах т.я.]
• инновацаар [үйлдэх т.я.]
• инновацтай [хамтрах т.я.]
• инновац руу [чиглэх т.я.]
• инновацаа [ерөнхийлөн хамаатуулах]

ИНТЕРНЭТ /гадаад үг/

Товч утга: Дэлхий нийтэд тархсан мэдээллийн цахим сүлжээ; хоорондын холбоо

Жишээ: 

• интернэт дэлгүүр (худалдагч ба худалдан авагч нь цахим сүлжээнд холбогдон бараа бүтээгдэхүүнийг захиалах, хүргэж өгөх зэрэг үйл ажиллагаа явуулдаг үйлчилгээний шинэ төрөл)
• интернэт кафе (иргэдэд интернет сүлжээгээр үйлчлэх үйлчилгээний газар)
• интернэтийн сүлжээ (мэдээллийн цахим сүлжээн дэх холбоос)

Хувилал: 

• интернэтийн [харьяалах т.я.]
• интернэтэд [өгөх орших т.я.]
• интернэтийг [заах т.я.]
• интернэтээс [гарах т.я.]
• интернэтээр [үйлдэх т.я.]
• интернэттэй [хамтрах т.я.]
• интернэт рүү [чиглэх т.я.]
• интернэтээ [ерөнхийлөн хамаатуулах]

Хөрш үг:

• Интернэт Дэлгүүр
• Интернэт Кафе
• Интернэтийн Сүлжээ
• Интерпол
• Интерференц
• Интерференцлэх
• Интерьер
• Интоор

ЛУУХ /жинхэнэ нэр/

Товч утга 1. Нэг зүйл загас, лах

Товч утга 2. Нүдний нуух: 

Жишээ:

• нүднээс луух гарах (нуухтах)
• луух арвидвал нүдний булай, ловш арвидвал гэрийн булай [зүйр цэцэн үг] (муу муухай, буруу хазгай зүйлийг бага дээр нь засах хэрэгтэй гэсэн санаа)
• лонхтой архинаас согтуу салахгүй, луухтай нүднээс ялаа салахгүй [зүйр цэцэн үг] (муу, муухай зүйлээс муу үр дагавар салахгүй гэсэн санаа)

Хувилал:

• луухын [харьяалах т.я.]
• луухад [өгөх орших т.я.]
• луухыг [заах т.я.]
• луухаас [гарах т.я.]
• луухаар [үйлдэх т.я.]
• луухтай [хамтрах т.я.]
• луух руу [чиглэх т.я.]
• луухаа [ерөнхийлөн хамаатуулах]

Хөрш үг:

• Луухаан
• Луухан
• Луухтах
• Луучин :
• Луушир
• Лухайлгах
• Лухайх
• Лухан :