Микро автобусаар зорчих үнэ 500 төгрөг хэдий ч тасалбар өгдөггүй учраас том оврын автобус зогссоноос хойш оройн цагаар микро автобусны кондукторууд үнээ 700-1000 төгрөг болгон нэмдэг.

Харин саяхнаас микро автобусаар зорчиход тасалбар түгээдэг болсон гэсэн сураг сонсов.

Энэ талаар Нийслэлийн тээврийн газрын олон нийттэй харилцах албаныхнаас тодрууллаа.

-Микро автобусаар зорчих үнэ оройн цагаар нэмэгдэж, хулгайгаар хүн тээвэрлэх нь олширч байгаа талаар манайд гомдол, санал их ирдэг. Үүний дагуу бид эхний удаа “Нарантуул” захтай гэрээтэй микро автобуснуудын хаалга болон урд шилэн дээр “500” гэсэн үнэ наахыг жолооч, кондуктор нараас шаардаж байна.

Түүнчлэн уг үйл ажиллагааны хэрэгжилтэд хяналт тавьж буй ч байцаагчдын тоо цөөн тул зарим чиглэлд анхаарал хандуулж чадахгүй байна. Гэсэн ч бид цаашид бүх чиглэлийн микро автобусны шил болон хаалган дээр тасалбарынхаа үнийг наахыг шаардах болно.

Ингэснээр микро автобусны кондукторууд хулгайгаар хүн тээвэрлэх, зохиомлоор үнээ нэмэх асуудал багасна. Харин тасалбар өгсөн тохиолдол байхгүй гэв.

Г.Ариунцацрал