Италийн Антхольц хотноо Дэлхийн цомын VI шат явагдаж байна. Гурван уралдаан дараалан тэргүүлээд байсан М.Грайсын цувралыг Шведийн Бьорн Феррю зогсоож сенсаац дэгдээв. Дэлхийн цомд анх удаа тэргүүлж буй тэрбээр хөөх уралдаанд 20 сумнаас ердөө ганцыг нь гарзаджээ.

Антхольцын уралдаан хоёрдугаар сарын дундуур Шведийн Остерсунд-д болох ДАШТ-ий өмнөх сүүлчийн Дэлхийн цом билээ. Дэлхийн цомд нийлбэр дүнгээр Норвегийн О.Э.Бьорндален 500 оноогоор тэргүүлж, Д.Ярошенко (ОХУ) 413, М.Грайс (Герман) 347 оноотой удаалж явна.

Хүүхнүүдээс Германы К.Вилхельм (425), А.Хенкель (406) өнгөлж, Францын С.Байи (403), Германы М.Глагов (388), М.Нойнер (383) нар шил даран буй.

Антхольц. Дэлхийн цомын дүнгээс:

Эмэгтэй. Спринт 7,5 км: 1.Вилхельм 21:36.4 (0) 2.Хенкель (Герман) +10.5 (0) 3.С.Слепцова (ОХУ) +26.9 (0) 4.А.К.Олофссон (Швед) +32.5 (0) 5.С.Денкингер (Герман) +39.5 (0) 6.А.Флатланд (Норвег) +46.7 (0) Хөөх 10 км: 1.Хенкель 32:51.39 (1 сум алдсан) 2.Слепцова +33.4 (2) 3.Т.Бергер (Норвег) +46.5 (2) 4.Нойнер (Герман) +56.2 (6) 5.Байи (Франц) +1:08.0 (4) 6.Глагов +1:17.0 (0)
Эрэгтэй. Спринт 10 км: 1.Грайс 25:05.4 (0) 2.Н.Круглов (ОХУ) +3.4 (0) 3.Бьорндален +6.4 (0) 4.Х.Ханевольд (Норвег) +34.9 (0) 5.Д.Мезотич (Австри) +35.7 (0) 6.Феррю +37.8 (1) Хөөх 12,5 км: 1.Феррю 32:46.65 (1) 2.Круглов +26.5 (2) 3.Грайс +28.7 (4) 4.Мезотич +38.2 (1) 5.С.Фуркад (Франц) +50.4 (1) 6.Ярошенко +57.1 (2)