Тулгар төрийн 2234 жил, Их Монгол Улсын 819 жил, Үндэсний ардчилсан хувьсгалын 114 жил, Ардын хувьсгалын 104 жил, Ардчилсан хувьсгалын 35 жилийн ой тохиосон Үндэсний их баяр наадмаар Алтан Жолоо группийн бөх О.Наранбаатар Монгол улсын харцага цол хүртэж, хамт олон, нутаг усныхан, Монгол түмнээ баярлуулсан билээ.

Өнөөдөр түүний төрсөн нутаг Өвөрхангай аймгийн Хар Хорин суманд цолны мялаалга наадам болж, Алтан Жолоо группийн ерөнхийлөгч В.Энхбаатар Монгол Улсын харцага Оюунгэрэлийн Наранбаатарт хүндэтгэл үзүүлж, 300 сая төгрөгийн шагнал гардуулж, Монгол бөхийн хийморь үргэлж өөдөө байж, улам том цолонд хүрч, ард түмнээ баярлуулж явахыг хүсэн ерөөлөө.