Цагдаагийн байгууллагын 102 дугаарын утсанд  2026 оны 4-р сарын 28-наас 29-нд шилжих шөнө 00.05 цагийн орчимд дуудлага мэдээлэл иржээ. Уг дуудлагаар Сонгинохайрхан дүүргийн 29-р хорооны нутаг дэвсгэр болох “Москва хорооллын орчимд иргэд хоорондоо зодолдож байна“ гэсэн мэдээлэл өгсөн.

Дуудлагын дагуу Цагдаагийн алба хаагчид очиход нэг иргэн амиа алдсан байсан. Шалгалтын явцад 39 настай Д нь амь хохирогчийг “Гэрээний ажил олж өгнө” гэсэн нэршлээр өгсөн 24 сая төгрөгтөө ажил олж өгсөнгүй, мөнгөө буцааж өгсөнгүй гэх шалтгаанаар толгой, гэдсэн тус газар нь цохисны улмаас амиа алдсан байж болзошгүй нөхцөл байдал тогтоогдсон.

Цагдаагийн байгууллагаас хэргийг мөрдөн шалгах ажиллагаа явуулж, амь хохирогчийн нас барсан шалтгааныг нарийвчлан тогтооно гэж ЦЕГ-аас мэдээллээ.