“Ардчилсан намын мэдээллийн цаг” хэвлэлийн хурал болов.

Энэ үеэр УИХ-ын гишүүн Ч.Лодойсамбуу “Нийслэлийн төсөв 2016 онд 550 тэрбум төгрөг байсан бол 2026 он гэхэд 4 их наяд төгрөгт хүрч өссөн байна. 2021 онд Л.Оюун-Эрдэнэ Ерөнхий сайд болсноос хойш нийслэлийн эрх мэдлийг мэдэгдэхүйц нэмэгдүүлсэн. Үүний хүрээнд хот өөрөө татвар, хураамж тогтоох, бонд болон үнэт цаас гаргах, тусгай сан байгуулах, мөн концессын гэрээг бие даан хэрэгжүүлэх эрх зүйн боломжтой болсон.

Улаанбаатар хотын нийт өр одоогоор 1.5–2 тэрбум ам.доллар буюу ойролцоогоор 7 их наяд төгрөгт хүрчээ. Л.Оюун-Эрдэнэ Ерөнхий сайд болж үеэлээ Хотын дарга болгосноос хойш нийслэлийн эрх мэдэл, төсөв нь нэмэгдсэн ч бодит үр дүн, хэрэгжсэн ажлуудыг нь дүгнэх гэхээр алга.

Тиймээс Хотын дарга Х.Нямбаатар ёс зүйн хариуцлага хүлээж, нийслэлийн иргэд, татвар төлөгчдөөс уучлалт гуйж Т.Даваадалайтай хамт огцрох ёстой. Л.Оюун-Эрдэнэ ч мөн энэ бүхнээс холуур өнгөрөх ёсгүй” гэв.