Ардчилсан нам Үндэсний бодлогын Хорооны ээлжит бус XII хуралдаанаа өнөөдөр цахимаар зохион байгууллаа. Өнөөдрийн хурлаар зарим томилгоог хийсэн байна.

Тодруулбал АН-ын Ерөнхий нарийн бичгийн дарга Ц.Тувааныг өөрийнх нь хүсэлтээр чөлөөлж, намын дэд даргаар томиллоо.Харин Ерөнхий нарийн бичгийн даргын албан тушаалд НИТХ-ын АН-ын бүлгийн дарга Цэндийн Баатархүүг томилжээ. 

Мөн ҮБХ-ны хуралдаанаар УИХ-ын 2020 оны ээлжит сонгуултай холбоотой цаг үеийн асуудлыг хэлэлцсэн хэмээн Ардчилсан намаас мэдээллээ. 

Ц.Баатархүүгийн намтар: 

Овог нэр: Цэндийн БААТАРХҮҮ
Төрсөн он сар өдөр: 1981.11.14
Төгссөн сургууль:
1999-2004     Хан-Уул дээд сургууль
1999-2003     Монгол Улсын Их сургуулийн Нийгмийн Шинжлэх Ухааны сургууль
2005-2007      Удирдлагын Академи
Боловсрол, мэргэжил, эрдмийн зэрэг цол:
Дээд, улс төр судлаач, Магистрант
Ажилласан байдал:
2004 оноос “Монголын лектор төв” ТББ-ын тэргүүн
2005-2006     Монгол Улсын Засгийн газрын Хэвлэл мэдээллийн албаны дарга
2012 оноос   Нийслэлийн нийгмийн хөгжлийн асуудал хариуцсан орлогч дарга
Гавъяа шагнал:
Үндэсний Шилдэг Залуу Захирал,
Grand Expo Монгол Улсын Шилдэг Маркетер цол
Сонгуульт ажил:
JCI Монгол ТББ-н гишүүн,
Нийслэлийн Ардчилсан Намын Дэд Дарга,
Хан-Хэнтийн Залуус ТББ-ийн Тэргүүн,
2012 онд АН-аас нэр дэвшиж, Нийслэлийн Иргэдийн Төлөөлөгчдийн Хуралд Төлөөлөгчөөр сонгогдсон.