2018 оны арванхоёрдугаар сарын 28-нд Засгийн газраас Салхитын мөнгөний ордод тусгай ажиллагаа явуулсан. Үүнээс хойш энэ ордтой холбоотой дуулиант мэдээ цуварсан юм.

Эргэн сануулбал Ерөнхий сайдын чиглэлийн дагуу ЗГХЭГ-ын дарга Г.Занданшатар, тагнуул, цагдаагийн тусгай, дотоодын цэргийн бүрэлдэхүүнтэйгээр Дундговь аймагт аймгийн прокурорын хяналтын дор тусгай ажиллагааг зохион байгуулсан. 

Тус аймгийн Гурван сайхан суманд байдаг алт мөнгөний маш том орд болох Салхитын ордыг 2043, 2047 он хүртэлх ашиглалтын тусгай зөвшөөрлүүдийг цуцаллаа гэж тухайн үед мэдээлсэн.

Харин эдийн засагчид энэ бол жижиг орд, 800 тэрбум төгрөгийн ашигтай ажиллах боломжгүй. Ердөө 251 тэрбум төгрөгийн ашиг олно гэв. Иймд тус ордод хийсэн ТЭЗҮ-ийн олон нийтэд ил болсон хэсгийг л та бүхэнд зургаар харуулж байна.

Анхаарал татсан бас нэг баримт нь Засгийн газрын Хэвлэл мэдээлэл, олон нийттэй харилцах хэлтсийн дээрх мэдээнд 2043, 2047 он хүртэлх ашиглалтын тусгай зөвшөөрлүүдийг цуцаллаа гэжээ.  Харин Topazia consulting services компанийн хийсэн ТЭЗҮ-д төслийн хугацааг долоон жил буюу 2027 он хүртэл ордыг ашиглаж дуусна гэжээ.