Монгол Улсын Ерөнхийлөгч У.Хүрэлсүхийн урилгаар манай улсад албан ёсны айлчлал хийхээр өчигдөр хүрэлцэн ирсэн Польш Улсын Ерөнхийлөгч Анджей Дуда, гэргий Агата Корнхаузер-Дуда нарыг хүндэтгэн, албан ёсоор угтах ёслол өнөөдөр Д.Сүхбаатарын талбайд боллоо.

Ерөнхийлөгч Анджей Дуда, гэргий Агата Корнхаузер-Дуда нарыг Монгол Улсын Ерөнхийлөгч У.Хүрэлсүх, гэргий Л.Болорцэцэгийн хамт угтан авсан юм.

Угтан авах ёслолд Гадаад харилцааны сайд Б.Батцэцэгээс гадна Монгол Улсад суугаа АНУ, Австрали, Канад, Япон, Энэтхэг, БНСУ, Казахстан зэрэг улсуудын Элчин сайдууд оролцов.