Хүүхдийн паркийн тохижилт хийгдээгүй хэсгийг “Рио тинто” компани тохижуулахаар болсон талаар мэдээлж байна.

Түүнчлэн “2022 онд нийслэлийн ногоон байгууламжийг нэмэгдүүлэх, иргэдэд ая тухтай орчин бүрдүүлэхэд чиглэсэн бүтээн байгуулалт, тохижилтын ажлууд”-ын талаар танилцуулж байна.

БИЧЛЭГ:

/Бичлэгийг тоглуулж болохгүй бол ЭНД дарж үзнэ үү/

Хотын дарга Д.Сумъяабазар “Дугуй цагаан орчмын тохижилт 90 хувьтай үргэлжилж байна. Арваннэгдүгээр сарын 15-н гэхэд Дугуй цагаан орчмын тохижилт дуусна. Одоогоор уг ажлын явц 90 хувь, Туул голын эрэг дагуух тохижилт 80 хувьтай байна. Бага тэнгэр орчимд 3.8 га орчимд ногоон байгууламжийг түлхүү анхаарч ажиллаж буй. Богд хааны ордон музейн гадна талбайн тохижилтыг хийж байгаа. Дүүрэг тус бүрд ногоон байгууламж хийх чиглэлтэй ажиллаж байна” гэлээ.

ХҮҮХДИЙН ОРДНООС НАРНЫ ЗАМ ХҮРТЭЛХ 10.2 ГА ТАЛБАЙД НОГООН БАЙГУУЛАМЖ БАРИХ АЖЛЫГ ДӨРВӨН ЖИЛИЙН ХУГАЦААНД ХИЙНЭ

“Рио Тинто Монгол” компани Хүүхдийн паркийн 10.2 га талбайд дэлхийн жишигт нийцсэн цэцэрлэгт хүрээлэн ногоон байгууламж байгуулах санамж бичгийг өнөөдөр байгууллаа.

Хүүхдийн паркийг хоёр хэсэгт хувааж тохижуулах ба Хүүхдийн ордноос Нарны зам хүртэлх 10.2 га талбайд ногоон байгууламж барих ажлыг дөрвөн жилийн хугацаанд хийхээр төлөвлөжээ. Эхний жил ногоон байгууламжаа бий болгож, дараагийн жилүүдэд арчлалт хамгаалалтыг хийх талаар “Рио Тинто Монгол” компанийн Гүйцэтгэх захирал Х.Амаржаргал хэллээ.

“Миний төсөөллөөр бол Нью Йорк хотын "Централ Парк" шиг тохижилт үйлчилгээг хийж, иргэд чөлөөт цагаа өнгөрөөх боломжийг бий болгохоор хотын удирдлагууд зорьсон. Үүний үндсэн дээр санамж бичиг байгууллаа.

Энэ хүнд хэцүү цаг үед төрийн байгууллага хувийн хэвшлийн тусламжаар энэ бүтээн байгуулалтыг хийхээр боллоо. Хүүхдийн парк бол 1966 онд байгуулагдсанаасаа хойш хүн бүрийн сэтгэлд үлдсэн чухал газар. Хүүхдийн паркт олон давхар офисын барилга барилгүй хамгаалж ирсэн хувийн хэвшилд баярлалаа гэж хэлмээр байна” хэмээн Нийслэлийн Засаг дарга бөгөөд Улаанбаатар хотын захирагч Д.Сумъяабазар онцоллоо.