УИХ-ын чуулганы үдээс хойших хуралдаан эхэллээ. “Хөдөлмөрийн зах зээлийг дэмжих, хөдөлмөр эрхлэлтийг нэмэгдүүлэх чиглэлээр авч хэрэгжүүлж байгаа арга хэмжээний талаар” Хөдөлмөр, нийгмийн хамгааллын сайд А.Ариунзаяа мэдээлэл хийнэ. 

Үндэсний cтатистикийн хорооны Статистикийн мэдээллийн нэгдсэн сангийн мэдээгээр ажилгүйдлийн тyвшин 2020 оны I, II улиралд 6.6 хувь, III улиралд 7.3 хувь, IV улиралд 7.6 хувь байсан бол 2021 оны I улиралд 8.8 хувь, II улиралд 8.4 хувь болжээ.

2020 оны эхэн ба дунд үед ажилгyйдлийн түвшин бага байсан нь 3асгийн газраас ажлын байрыг хадгалах, иргэдийн орлогыг бууруулахгүй байх шат дараатай арга хэмжээг шуурхай хэрэгжүүлсний үр дүн гэж үзэж болохоор байна. Харин оны сүүлээр ажилгүйдлийн түвшин өссөн нь бүх нийтийн хөл хорио тогтоож, аж ахуйн нэгж, байгууллаryудын үйл ажиллагааг хязгаарласантай холбоотой байна.

Хөдөлмөрийн зах зээлийн өөр нэг чухал үзүүлэлт болох ажиллагчдын тоо 2018 онд 1.3 сая, 2019 онд 1.1 сая, 2020 онд 1.2 сая байсан бол 2021 оны I улиралд 1.05 сая, харин 2021 оны II улиралд 1.1 сая болж, өмнөх улирлаас 50.8 орчим мянгаар өсжээ.

Монгол Улсын ажиллах хүчний оролцооны түвшин 2021 оны II улиралд 56.8 хувь байна. Энэ үзүүлэлт 2018 онд 61.0 хувь, 2019 онд 60.5 хувь, 2020 онд 58.8 хувь тус тус байсан нь сүүлийн жилүүдэд ажиллах хүчний оролцооны түвшин буурч байгааг илтгэж байна. Ялангуяа эмэгтэйчүүдийн ажиллах хүчний оролцооны түвшин 2021 оны II улиралд 49 хувь байгаа нь эрэгтэйчүүдээс 16.7 хувиар бага үзүүлэлт юм. 

Хэлэлцэж буй асуудалтай холбогдуулан зөвхөн цөөнхийн бүлгийн гишүүд асуулт асууна. 

УИХ-ын гишүүн С.Ганбаатар: Манай улсад гадаадын хэдэн хүн ажиллаж байгаа вэ. Энэ талаар дэлгэрэнгүй мэдээлэл өгнө үү.

Хөдөлмөр, нийгмийн хамгааллын сайд А.Ариунзаяа: Өнөөдрийн байдлаар манай улсад гадаадын 6045 иргэн ажил хөдөлмөр эрхэлж буй. Үүний

• 36 хувийг уул уурхайн салбарт
• 26 хувийг барилгын салбарт
• 11 хувийн боловсролын салбарт ажиллаж буй хүмүүс эзэлж байна.