БОАЖЯ-наас Монгол оронд ургадаг байгалийн ургамлын талаарх цувралыг хүргэж буй юм. Энэ удаа "Ховор ургамлын жагсаалт"-д орсон Азийн төлөгч өвс-Achillea asiatica Serg.-ийн талаар танилцуулж байна.

Та эх орондоо ургадаг ховор болон нэн ховор ургамлуудаа танин мэдэж, хуулийн хүрээнд хэрхэн түүж бэлтгэх, экологи болон эдийн засгийн үнэлгээ, нөөц ашиглалтын талаар мэдлэгтэй болоорой.

Түүж бэлтгэх: Байгалийн ургамлын тухай хуульд заасны дагуу иргэн өөрийн ам бүлийн хүнсний болон ахуйн хэрэгцээг хангах зорилгоор сум дүүргийн Засаг даргын зөвшөөрлөөр, аж ахуйн нэгж эм үйлдвэрлэлийн зориулалтаар Байгаль орчны асуудал эрхэлсэн төрийн захиргааны төв байгууллагын зөвшөөрлөөр түүнэ.

Экологи-эдийн засгийн үнэлгээ: БОАЖ-ын сайдын 2020 оны А\677 дугаар тушаал 1кг нь хуурай жингээр 167300, нойтон жингээр 67000 төгрөг. /Хууль бусаар түүсэн, борлуулсан үед хуулийн дагуу торгууль ногдуулах үнийн дүн./

Нөөц: Ашиглалтын нөөцгүй тул тарималжуулан ашиглах шаардлагатай.