Эмэгтэйчүүд хүчирхийлэлд хамгийн их өртдөг. Тиймээс Эмнести интернэшнл байгууллагаас энэ жил эрх чөлөөний парадыг “Эмэгтэйчүүдийг ялгаварлан гадуурхах бүх хэлбэрийг устгах тухай конвенц”-ийн 30 жилийн ойн хүрээнд зохиох гэж байгаа ажээ.

Маргааш болох энэхүү параданд хамгийн өвөрмөц, шинэлэг стиль, имижээр өөрийгөө илэрхийлэн ирсэн хүнийг шалгаруулан шагнах гэнэ. Хүссэн хэн бүхэн оролцож болох эрх чөлөөний парад маргааш 14-19 цагийн хооронд Эрх чөлөөний талбайд болно.

Хүний эрх, эрх чөлөө, тэгш эрхийн зарчмыг сонирхолтой, бүтээлч, хөгжилтэй хэлбэрээр олон нийтэд сурталчилж, хүний эрх, эрх чөлөөний мэдрэмжээ дээшлүүлэн, үзэл бодлоо чөлөөтэй илэрхийлэх боломжийг залууст олгох зорилгыг тус парад агуулж байгаа гэнэ.

М.Жаргал