Өвөр Монголын хамгийн том аж үйлдвэр, эдийн засаг, уул уурхайн Бугат хотын  өдрүүд 2016 үзэсгэлэн, хөрөнгө оруулалт, хамтын ажиллагааны чуулга уулзалт  Мишээл экспо төвд болсон билээ.

Энэхүү үзэсгэлэнд оролцсон тус хотын урлаг соёлын чиглэлээр үйл ажиллагаагаа явуулдаг шилдэг компаниудын төлөөлөл “Монгол Контент” компанид хүрэлцэн ирж, компанийн үйл ажиллагаатай танилцан, цаашид хамтран ажиллах талаар санал солилцлоо.

Тухайлбал, Өвөр Монголын Монгол хөгжмийн сайтыг /mglmusic.cn/ эрхлэн явуулдаг  “Хамаг соёл нэвтрүүлэг” ХК, кино нэвтрүүлэг, анимейшн бүтээлийн “Оүпэн соёл сурталчилгаа” компани, зар сурталчилгаа, үйлдвэрлэл, бодлого төлөвлөлтийн “Жэн-Ида брэнд байгууллага”, Бугат хотын зураг төсөл, хэвлэлийн “Ипэнбэир технологийн хөгжил” ХХК-ийн төлөөлөгчид оролцлоо.

Мөн БНХАУ-ын хуримын ёслолын үйлчилгээний холбооны дэд ерөнхийлөгч, соёл аж үйлдвэр хөгжлийн газрын дарга Чин Юн, Бугат хотын төлөөлөгч Жан Жан, Хятадын олон улсын Худалдааны тэнхимийн Бугат хот дахь салбарын ерөнхийлөгч Ян Жиан Пин нар хүрэлцэн ирлээ.