“Өөрчлөлтийн дуу хоолой” иргэний нийгмийн форумд салбар салбарын төрийн бус байгууллага, хэвлэл мэдээллийн төлөөлөл, бодлого боловсруулагчид зэрэг 60 гаруй оролцогчид цуглан, Монголын иргэний нийгмийн өнөөгийн байдлын талаар нээлттэй хэлэлцүүлэг өрнүүллээ.

Энэхүү форум нь Монголын иргэний нийгэмд тулгарч буй сорилт, боломжуудын талаарх хэлэлцэж цаашдын хамтын ажиллагааг бэхжүүлэхэд чиглэнэ. Мөн “Хөгжлийн төлөөх хариуцлага: Иргэний нийгмийн санаачилга”-ийг дэвшүүлж, үүний давуу талуудын талаар ярилцана. Энэхүү санаачилга нь салбарын хүрээнд ил тод, хариуцлагатай байдлыг дэмжих, мөн шударга, ардчилсан нийгмийг төлөвшүүлэхэд ИНБ-ын оруулсан хувь нэмрийг онцлон харуулахыг зорьж байгаа аж.

Энэхүү форум нь Европын Холбооноос санхүүжүүлж, Дойче Велле агентлагийн DW Akademie, Монголын Хэвлэл мэдээллийн зөвлөл (ХМЗ) хамтран хэрэгжүүлж буй “Өөрчлөлтийн дуу хоолой” төслийн нэг хэсэг юм. Энэхүү төсөл нь иргэний нийгмийн хариуцлага, ил тод байдал, олон нийтийн оролцоог бэхжүүлэх зорилготой юм.