“Монгол наадам цогцолбор” жил бүр уламжлал болгон зохион байгуулдаг “Монгол хүү” үндэсний хүүхдийн баяр зургаа дугаар сарын 1-ний өдөр Хүй долоон худаг “Монгол наадам цогцолбор”-т болно.

Үндэсний ёс, зан заншлыг хүүхэд залууст таниулах зорилготой тус баяраар хүүхдийн үндэсний бөхийн барилдаан, сурын харваа, шагайн харваа, дугуйн, гүйлтийн,  сагсан бөмбөгийн тэмцээн болно. Мөн морь унах эдлэх  соёлыг танилцуулах юм.

Та баярт ирснээр цэвэр агаарт майхан асартайгаа байрлан, урлагийн тоглолт үзэж, нэг өдрийг гэр бүл, найз нөхдөөрөө тэмцээнд оролцож хөгжилдөн өнгөрүүлээрэй. Мөн хамтран зохион байгуулагч байгууллагуудын шагналын эзэн болох боломжтой. Ирсэн хүүхдүүд дундаас супер азтан тодруулж, ивээн тэтгэгч байгууллагын шагнал гардуулна.

“Монгол хүү” үндэсний хүүхдийн баярын ерөнхий зохион байгуулагчаар Монголын скаутын холбоо, “Монгол наадам цогцолбор” ОНӨТҮГ, хамтран зохион байгуулагчаар Монголын дугуйн холбоо, Монголын үндэсний харваачдын холбоо, Монголын морин спорт уяачдын холбоо, Монголын сагсан бөмбөгийн холбоо, нийслэлийн Цагдаагийн удирдах газар, Монголын хөнгөн атлетикийн холбоо, нийслэлийн Соёл урлагийн газар болон Хуйрнан шуугигч нэвтрүүлэг ажиллаж байна.

Баяр Хүй долоон худагт 09:30-18:30 цагийн хооронд болно.

“Монгол наадам цогцолбор” ОНӨТҮГ