Криштиану Роналду пүрэв гарагт Лиссабонд болсон Португалын UEFA Үндэстнүүдийн лигийн Хорватын эсрэг хийсэн тоглолтод гоол оруулснаар,  түүхэнд 900 гоол хийсэн анхны эрэгтэй хөлбөмбөгчин боллоо.

Тодруулбал, тоглолтын 34 дэх минутад Нуно Мендесийн дамжуулалтаар Роналду 6 метрийн зайнаас гоолдож, 2:0-ээр харьцаа болгосноор түүхэн гоолыг баталгаажуулав. Тоглолт Португалын 2:1 харьцааны хожлоор дууссан.

Роналду "Энэ бол миний хувьд маш их утга учиртай зүйл. Удаан хугацаанд энэ амжилтад хүрэхийг хүсэж байлаа. Би энэ тоонд хүрнэ гэдгээ мэдэж байсан. 900 гоол оруулах нь амар биш гэдгийг надаас өөр хүн мэдэхгүй байх” гэжээ.

900 дэх гоолоо оруулсныхаа дараа Роналду талбайд өвдөг сөхрөн баярлажээ.

Сонирхуулахад, "Алтан бөмбөг"-ийн таван удаагийн эзэн, түүний ойрын өрсөлдөгч Лионел Месси 842 гоолтой буюу 58 гоолын зөрүүтэй байгаа бол 765 гоолтой, Бразилийн домогт тоглогч Пеле жагсаалтын гуравдугаарт бичигдэж байна.

Эх сурвалж: ESPN