Мөсний хоккейн насанд хүрэгчдийн 3-р зиндааны ДАШТ Мексик Улсын нийслэл Мехико хотод үргэлжилж байна.

Тус тэмцээний B хэсэгт багтсан Монголын хоккейн шигшээ баг эхний тоглолтоо Филиппин улсын шигшээ багтай хийж 13:7 харьцаагаар хожлоо.

Мексик, Умард Солонгос, Сингапур, Хонконг, Филиппинтэй нэг хэсэгт багтсан шигшээ баг хоёр дахь тоглолтоо Сингапур улсын шигшээ багтай энэ сарын 28-нд хийнэ. 

Монголын баг тамирчдыг Монгол Улсын гавьяат дасгалжуулагч А.Мэргэн, гавьяат тамирчин Н.Мишигсүрэн, М.Отгонбаяр нар удирдан өрсөлдөж байна.