Лондонгийн Кингс Коллежийн эрдэмтэд лабораторийн нөхцөлд хүний шүд ургуулж чаджээ.  

Энэ нээлтийн үр дүнд хэний ч шүдийг нөхөх боломжгүй ч судалгааны талбарт шинэ замыг нээж өгч байна гэж судлаачид онцолжээ.  

“Биологийн аргаар шүдийг дахин ургуулж орлуулах санаа нь намайг Лондон руу, Кингс коллеж руу хөтөлсөн” хэмээн нөхөн сэргээх шүдний эмчилгээний салбарын захирал доктор Ана Анжелова-Волпони тайлбарлав.   

Төгс инээмсэглэл өнөө үед өндөр эрэлттэй болсон бөгөөд олон хүн шүдний аппарат эсвэл суулгац ашиглан нэг ижил шүдтэй мэт харагддаг болсон цаг.

Лабораторид ургуулсан шүд нь байгалийн жамаар нөхөн сэргээгдэж, эрүүнд жинхэнэ шүд мэт суух гэнэ

Гэвч шүдний суулгац нь өвчтөн болон түүнийг арчилж буй шүдний эмчид таамаглаагүй асуудал үүсгэж болдог. Суулгац хийхийн тулд мэс засал шаарддаг бөгөөд шүдний суулгац болон эрүүний ясан эдийн сайн зохицол чухал байдаг аж.  

Харин лабораторид ургуулсан шүд нь байгалийн жамаар нөхөн сэргээгдэж, эрүүнд жинхэнэ шүд мэт суух гэнэ. Тэд илүү бат бөх, удаан эдэлгээтэй учир шүдний ломбо эсвэл суулгацнаас илүү удаан хугацаанд хэрэглэгдэх, биологийн хувьд зохицсон шийдэл болж чадна хэмээн эрдэмтэд үзжээ.

Амны хөндийн эрүүл мэнд муу байх нь хүний хоол идэх, ярих, нийгэмд хэвийн оролцох чадварт сөргөөр нөлөөлдөг ба хэрэв бактер цусанд орвол зүрхний асуудал болон халдварын шалтгаан ч болох эрсдэлтэй. Өндөр настай хүмүүс онцгой эмзэг бүлэгт тооцогддог гэнэ. 

Эх сурвалж: BBC