Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын хүчит бөхийн барилдааны наймын даваа эхлэх гэж байна.  

Монгол Улсын дархан аварга цолтой бөхчүүддээ уламжлал ёсоор хүндэтгэл үзүүлж байна. Монгол Улсын Хөдөлмөрийн баатар, Даяар дурсагдах далай даян дайчин, Дархан аварга Хорлоогийн Баянмөнх тэргүүтэй Дархан аваргууд төрийн есөн хөлт цагаан туганд хүндэтгэл үзүүлэв. Үүний дараа Баяр наадам зохион байгуулах үндэсний хорооноос их аваргуудад баяр хүргэж, хүндэтгэл үзүүлж гарын бэлэг гардууллаа. 

Ардын хувьсгалын 103 жилийн түүхэнд улсын дархан аварга цолтой 103 бөх төрж гарснаас энэ цаг үед амьдарч байгаа алдарт дархан аваргууд баярын наадмынхаа 28 түрүүг авсан амжилт үзүүлжээ. 

Даяар дурсагдах далай даян дайчин, Дархан аварга Хорлоогийн Баянмөнх энэ жил 82 насыг зооглож байна.