Домогт боксчин 58 настай Майк Тайсон, 27 настай Жэйк Полтой тулалдаж, 78:74 харьцаагаар Жэйк Пол ялалт байгууллаа. Тоглолт эхэлж Тайсон гарч ирэхэд цэнгэлдэхэд байсан 70 мянган үзэгч  уухайлж байхаас үзэхэд түүнийг дийлэнх нь дэмжиж байв.

Нийт 8 үетэй тулалдахад эхний хоёр үед Майк Тайсон илүүрхсэн ч үлдсэн үеүдэд Пол илүүрэж байлаа. Наймдугаар үеийн төгсгөлийн хоромд 27 настай Жэйк Пол 58 настай Майк Тайсонд хүндэтгэл үзүүлж түүнд мэхийн ёсолж байсан нь олны сэтгэлийг хөдөлгөв.

Би юуг ч нотлох гэж энд ирээгүй, өөрийнхөө хийж чадаж буй зүйлдээ л сэтгэл хангалуун байна. Би энд тулалдах гэж л ирсэн

Тоглолтын төгсгөлд хөтлөгч тэдний сэтгэгдлийг сонирхоход Пол "Би Тайсоноос урам зориг авч өссөн, түүнтэй тулалдах үнэхээр нэр төрийн хэрэг байлаа. Тэр бол домог, түүнтэй тулалдах амаргүй байлаа" гэсэн юм. Тулаан эхлэхэд Пол үнэхээр түүнээс дөлж, шууд довтолж чадахгүй байв.

Харин хөтлөгч энэ нь түүний сүүлийн тулаан уу гэхэд Тайсон "Би тэгж бодохгүй байна" гэхэд цэнгэлдэхийн үзэгчид бүгд уухайлан дэмжиж байв. Энэ нь нэг үгээр түүнийг дахин тулаанд гарахыг үгүйсгэхгүй байлаа.

Тэрбээр тоглолтын үед бээлийгээ үе үе хазаж этгээд үйлдэл гаргаж байсныг хөтлөгч шүдний хамгаалалт нь асуудалтай байв уу хэмээн таамаглаж асуухад "Би тоглолтын үеэр тийм зуршилтай. Бээлийгээ хазах  нь надад сэтгэл зүйгээ төвлөрүүлэхэд тусалдаг юм" гэжээ.

Мөн хөтлөгч "58 настай таныг рингэнд эргэн ирэхэд олон хүнд таатай санагдаагүй. Гэтэл тэднийг буруу бодож байсныг та батлах шиг санагдаж байна уу. Та энэ талаар юу хэлэх вэ" гэхэд "Би юуг ч нотлох гэж энд ирээгүй, өөрийнхөө хийж чадаж буй зүйлдээ л сэтгэл хангалуун байна. Би энд тулалдах гэж л ирсэн" хэмээлээ.

Сонирхуулахад өнөөдрийн тоглолтыг үзэхээр олны танил эрхмүүд олноор ирсэн байсан ба жишээ нь жүжигчин Шарлез Терон, дуучин Жон Жонас, сагсан бөмбөгчин Шакил О'Нил гэх мэт эрхмүүд байлаа.

Эх сурвалж: Netflix live