Мексик улсад аялахаар очоод сураггүй болсон австрали, америк жуулчдыг толгойдоо буудуулсан байдалтай худгаас олсноо албаныхан мэдээлжээ.

30-33 насны гурван жуулчин Мексикт аялахаар очоод өнгөрсөн сарын 27-ны өдрөөс хойш сураггүй болоод байсан юм. Тэдний цогцсыг баасан гарагт олсон.

Машиныг нь хулгайлах гэсэн этгээдүүдийн халдлагад жуулчид өртөж, амиа алдсан гэж албаныхан үзэж байна.

Тэдний байрлаж байсан газраас зургаан километрийн зайд орших дөрвөн метр гүн худгаас цогцсыг олсон бөгөөд дөрөв дэх хүний цогцсыг мөн олсон талаар мэдээлэв.

Одоогоор халдлага үйлдсэн байж болзошгүй гурван этгээдийг баривчилж, шалгаж байгаа аж. Баха Калифорниа муж нь Мексикийн хамгийн их гэмт хэрэг үйлдэгддэг, хар тамхины хэрэглээ ихтэй мужуудын нэг юм.

Гэхдээ АНУ-Мексикийн хилээс өмнө зүгт 120 километрийн зайд оршдог Энсенада бүс нь серфинг хийх орчин нөхцөлөөрөө алдартай тул жуулчид ихээр зорин очдог аж. 

Эх сурвалж: ВВС