Санхүүгийн зохицуулах хороо “Монголын үнэт цаасны арилжаа эрхлэгчдийн холбоо”-той хамтран ажиллах санамж бичиг байгуулна.

Энэ холбоо нь өөрийгөө зохицуулах байгууллага гэсэн статустай юм. Санамж бичгийн хүрээнд өөрийгөө зохицуулах байгууллагыг бэхжүүлэх, түүний гишүүн компаниудын үйл ажиллагааг дэмжих, үнэт цаасны зах зээлийн харилцааны зохицуулалтыг төгөлдөржүүлэх, зах зээлийн хөгжлийг дэмжих гэсэн гурван үндсэн чиглэлээр 13 зорилтыг хэрэгжүүлнэ.

Энэ зорилтод хүрэхийн тулд 2015-2016 онд нийт 40 ажлыг хийж гүйцэтгэхээр төлөвлөжээ. Үүгээрээ талуудын өмнө нь байгуулсан санамж бичгээс онцлог юм.

Санамж бичигт гарын үсэг зурах ёслол 11.00 цагт Санхүүгийн зохицуулах хорооны байранд болох юм.