Монголын үүрэн телефоны анхдагч Мобиком Корпорацийн 30 жилийн ойд зориулсан улс, аймгийн цолтой хүчит 128 бөхийн барилдаан эхэллээ.  

Бөхийн барилдааны нэгийн даваанд: 

• Дархан аварга Н.Батсуурь - Өмнөговь аймгийн Ноён сумын харьяат, Сумын заан О.Учралбаярт,
• Улсын заан Б.Бат-Өлзий - Говь-Алтай аймгийн Халиун сумын харьяат Аймгийн начин М.Өгөөдэйд,
• Улсын харцага Н:Золбоо - Завхан аймгийн Баянтэс сумын харьяат Аймгийн харцага Б.Ренчинжүгдэрт, 
• Улсын харцага М.Бэлгүтэй- Архангай аймгийн Батцэнгэл сумын харьяат Аймгийн заан О.Доржсамбууд өвдөг шороодлоо. 

Дархан аварга Н.Батсуурийг давсан О.Учралбаяр нь энэ барилдаанд зодоглож буй сумын цолтой ганц бөх юм. 

128 бөхийн барилдааны шагнал:

• Түрүү бөх – 30 сая төгрөг
• Үзүүр бөх – 15 сая төгрөг
• Их шөвөг – тус бүр 5 сая төгрөг
• Дунд шөвөг – тус бүр 2 сая төгрөг
• Мөн нэгийн даваанаас шөвгийн барилдаан хүртэл даваа бүрд давсан бөхөд 300 мянган төгрөгийн бай шагналтай. 

Энэ барилдааны дараа болох тусгай халз барилдаанд: 

• Улсын аварга О.Хангай 
• Улсын арслан Б.Орхонбаяр
• Улсын арслан Э.Батмагнай
• Улсын заан М.Лхагвагэрэл нар зодоглоно. 

Халз барилдааны шагналын сан 40 сая төгрөг.

• Түрүү бөх - 20 сая төгрөг
• Үзүүр бөх 10 сая төгрөг 
• Шөвгийн хоёр бөх тус бүр 5  сая төгрөгийн шагналтай.