Батлан хамгаалахын сайд С.Бямбацогтыг ЗГХЭГ-ын даргаар томилох саналыг Ерөнхий сайд Г.Занданшатар гаргажээ.

УИХ-ын гишүүн С.Бямбацогт "Энэ өвлийг УБ хэрхэн давах нь Замгийн гарын хамгийн тулгамдсан асуудал. ДЦС-3-т маш хурдан засвар үйлчилгээ хийх хэрэгтэй. Евро Ази энэ жил тэр чигээрээ гантай байна. Монголд харьцангуй бага байгаа ч газар тариалангийн бүс гандуу байна.

Өнгөрсөн оныхоос улаан буудайг 100 гаруй мянган бага га-д тариалсан. Ургацад хүндрэл үүсэж болзошгүй. Энэ мэт маш олон сорилт Засгийн газарт байна. Эдгээрийг давахын тулд маш хурдан ажилдаа орно. 

Би Батлан хамгаалахын садаар ажиллаж байсны хувьд олон ажлыг эхлүүлсэн. Тэдгээрийг үргэлжлүүлээсэй гэж шинэ сайдаас хүснэ. Би туршлага, мэдлэгээ хуваалцаж ажиллана.  Бид сайн ажиллавал энэ Засгийн газар бүрэн эрхийнхээ хугацааг дуустал ажиллах болов уу. Хамтарсан намуудын мөрийн хөтөлбөр хууль болж батлагдсан тул бид хэрэгжүүлнэ.

14 мега төслийг бүгдийг эхлүүлэхэд хэцүү. Мөн би “Бямбын урилга”контентоо үргэлжлүүлэн хийнэ" гэв.