Аялал жуулчлалын улирал эхэлж байгаатай холбогдуулан үндэсний шилдэг үйлдвэрлэгч “Говь” ХК цагийн хуваариа хэрэглэгчдийнхээ эрэлт хэрэгцээнд нийцүүлэн өөрчилж зуны цагийн хуваарьт шилжиж  байна. 

Та бидний сайн мэдэх хуучнаар Бамбарууш кафед байрлах салбар дэлгүүр нь өдөр бүр 09:00-23:00 цагийн хооронд ажиллаж хэрэглэгчдэдээ түргэн шуурхай үйлчилгээг хүргэхээр зорьж байна. Та бүхэн дэлгүүр хаахтай уралдах биш өөрийн хүссэн цагтаа ажлын, амралтын ч өдөр ялгаагүй тус дэлгүүрээр үйлчлүүлэх боломжтой болж байна. Энэ салбар дэлгүүрт Органик брэнд, хамгийн нарийн ноолууран бүтээгдэхүүнүүд, тансаг шаалиуд гээд бүх төрлийн бүтээгдэхүүнүүд өргөн сонголттой байхын зэрэгцээ, ая тухтай тохилог орчин, түргэн шуурхай үйлчилгээ та бүхнийг хүлээж байна.

Мөн “Говь” ХК Үйлдвэрийн дэргэдэх салбар дэлгүүр, УДЭТ-ын хойно байрлах Төв шуудан салбар дэлгүүр өдөр бүр 09:00-21:00 цагийн хооронд буюу уртасгасан цагаар ажиллахаар болсныг мэдээлэхдээ таатай байна. Зуны цагийн хуваарь 5-р сарын 1-нээс, 8-р сарын 31-ний өдрийг дуустал үргэлжилнэ. 

Харин Смарт худалдааны төвийн салбар, Монголд үйлдвэрлэв худалдааны төвд байрлаж буй салбар, Дархан хот дахь салбар дэлгүүрүүд тухайн салбар байрлаж буй худалдааны төвийн цагийн хуваарийн дагуу ажиллаж байгааг анхаараарай.