Үндэсний их баяр наадамтай холбогдуулан энэ сарын 4-15-нд урлаг соёлын 16 арга хэмжээ зохион байгуулагдана.

Төрийн хүндэтгэлийн концертыг энэ жил анх удаа гадаа талбайд зохион байгуулахаар болсон. Түүнчлэн баяр наадмын өдрүүдэд Чингисийн талбайд сонгодог урлагийн үдшийн цэнгүүн, хүүхдийн гала концерт, Монгол туургатны бүжгийн их наадам,  “Дээлтэй монгол” наадам, урлагийн шоу, гадаадын алдартай хамтлагуудын тоглолт, морин хуурын фестиваль, “Улаанбаатарын үдэш” цэнгүүн зэрэг арга хэмжээг зохион байгуулахаар төлөвлөжээ. Мөн Хүй долоон худагт “Адуучин” наадам зэрэг маш олон арга хэмжээ зохион байгуулагдах аж.

Ингээд Үндэсний их баяр наадмаар зохиогдох урлаг соёлын арга хэмжээний дэлгэрэнгүй мэдээллийг хүргэе.