•  “McDonald’s” компанийн төсөөллөөр 2023 онд ашгийн маржин нь 45 хувьд хүрэхээр байна

“McDonald’s” компанийн 2022 оны IV улирлын үйл ажиллагааны маржин ба 2023 оны хэтийн төлөв шинжээчдийн тооцоолсноос зөрснөөр хувьцааны ханш нь унажээ. 

Тайлант хугацаанд тус компанийн ашгийн маржин 43.6 хувьтай гарсан нь “Bloomberg”-ийн тооцоолж байсан 45.5 хувьд хүрээгүй байна.  Компанийн төсөөллөөр 2023 онд ашгийн маржин нь 45 хувьд хүрэхээр байгаа нь 46.5 хувьд хүрнэ гэсэн шинжээчдийн дүгнэлтээс 1.5 нэгж хувиар бага байгаа аж.

“McDonald’s”-ийн хувьд үйлчлүүлэгчийн тоог бууруулалгүйгээр үнээ өсгөн зардлаа нөхөх гэсэн хүндхэн тэнцвэрийг хадгалах шаардлага үүсээд байна. Хэдийгээр тус компанийн ресторануудаар орлого багатай үйлчлүүлэгчид олноороо үйлчлүүлсэн хэвээр байгаа ч авдаг хоолны хэмжээ нь багасжээ. 

“McDonald’s” компани болон дэлхий даяарх сүлжээ ресторанууд нь өргөн хэрэглээний барааны үнийн өсөлт, хөдөлмөрийн хөлс болон хэрэглээний зардлын өсөлт хүнд дарамт болж байгаа юм. Тус компани энэ онд сүлжээ ресторанууддаа, ялангуяа инфляцын огцом өсөлтийг даван туулж буй Европ дахь салбарууддаа 100-150 сая ам.доллар төсөвлөжээ.