“Ээлтэй ертөнц” ТББ хавсарсан онош бүхий тархины саа булчингийн чангарал, оюуны бэрхшээл, аутизм зэрэг хүнд хэлбэрийн хүүхдүүдэд сэргээн засах, боловсролын ЦОГЦ үйлчилгээг 2018 оноос хойш өдөр тутам үзүүлжээ. 

Энэ хугацаанд төвийн зардал, хүний нөөцийн цалинг олгохын тулд зөөлөн тоглоом үйлдвэрлэж, хөгжлийн бэрхшээлтэй хүүхэдтэй асран хамгаалагч, хөгжлийн бэрхшээлтэй хүний ажлын байртай болгох шийдлээр ажиллаж байна. 

Тус ТББ ерөнхий боловсролын сургуулийн сурагчдад зориулан бэлдэц гаргасан бөгөөд таван оёдлын төрлийг оёж сурангаа таван дүрст бүхий тоглоомыг өөрсдөө оёно. Энэхүү бэлдэц нь давхар үе тэнгийн ялгаварлалтын эсрэг, үе тэнгийн дэмжлэгийн нэг хэлбэр болох тул нийслэлийн хэмжээнд буй 30 сургуультай хамтран ажиллах болжээ.