Хүүхдийн оюун ухаан, бие махбодын хөгжилд хамгийн их нөлөө үзүүлэх зүйл юу вэ?" — Хариулт нь тун энгийн мөртлөө бидний өдөр тутмын амьдралд төдийлөн чухалчилж үздэггүй нэг зүйл болох хоол хүнс юм.

Тиймээс Монголын тэргүүлэгч боловсролын байгууллагуудын нэг болох Орчлон сургууль салбартаа шинэ жишгийг авчирч байна. Тус сургууль 4 улирлын турш ажиллах бүрэн автоматажсан, хөрс шаарддаггүй хүлэмжийг ашиглалтад оруулсан бөгөөд энэхүү байгууламж нь химийн бодисгүй, эрүүл хүнсний ногоог тасралтгүй үйлдвэрлэх замаар гаднаас импортолдог, хадгалах бодис агуулсан хүнснээс хараат байдлыг бууруулах зорилготой юм. Одоогийн байдлаар уг хүлэмж нь 17 төрлийн нарийн ногоогоор өдөр бүр 2000 гаруй сурагчийг хангаж байна.

Дэлхийн Эрүүл Мэндийн Байгууллагын судалгаагаар хүүхдүүдийн өдөр тутмын шим тэжээлийн 35–50%-ийг сургуулийн орчноос авдаг. Энэ дундаа өдрийн хоол хамгийн гол үүрэгтэй.

Гэвч бидний олонх нь үүнийг төдийлөн анхаардаггүй. Шим тэжээлгүй, хэт боловсруулсан, хадгалах бодисоор дүүрсэн, гарал үүсэл нь тодорхойгүй хүнснүүд хүүхдүүдийн тавган дээр байсаар байна.

Энэ нь зөвхөн эрүүл мэндэд бус, сурах чадвар, анхаарал төвлөрөл, дархлаа, цаашлаад тэдний амьдралын чанарт ч нөлөөлж байгааг шинжлэх ухаан хэдийн баталсан.

Эх сурвалжийн мэдээлснээр уг хүлэмж нь ашиг олох бус, зорилготой, ирээдүйд чиглэсэн хөрөнгө оруулалт. Зорилго нь тодорхой: сурагч бүрт пестицидгүй, цэвэр, шим тэжээлтэй хүнсний ногоог сургууль дээр нь өөрсдөө ургуулж, найдвартай эх сурвалжаас хүргэхийн төлөө юм. Цаашлаад олон улсын санхүүгийн байгууллагуудтай хамтран нийгмийн хариуцлагын хүрээнд тодорхой улсын сургуулиудад нарийн ногоогоо үнэгүй нийлүүлэх зорилго тавьсан байна.

Тиймээс “Энэ бол зөвхөн Орчлонгийн сурагчдад зориулж ногоо тарьж байгаа биш — тэгш боломж, эрүүл ирээдүйг ургуулж буй эхлэл юм.”

Боловсролын шинэчлэл гэхээр ихэнхдээ тест, дижитал технологийг ярьдаг болсон өнөө үед Орчлон сургууль бидэнд нэг чухал зүйлийг сануулж байна: жинхэнэ суралцах үйл явц нь эрүүл мэндээс эхэлдэг.

Өнөөдрийн нийтлэл бол зүгээр нэг хүлэмжийн тухай биш.

Энэ бол ирээдүйн боловсролын, эрүүл мэндийн, нийгмийн хариуцлагын тухай байлаа.