Ерөнхий сайдад итгэл хүлээлгэх тогтоолын төслийг хэлэлцэж нууц санал хураалт явуулж байна. Санал хураалтын өмнө УИХ дахь АН-ын бүлгийн дарга О.Цогтгэрэл намын бүлэг санал хураалтад оролцохгүй гэсэн нэгдсэн байр суурьтай байгааг илэрхийлж танхимаас гарахыг уриалсан. 

Харин УИХ-ын дарга Д.Амарбаясгалан санал хураалтад оролцохгүй ч танхимыг орхихгүй байхыг хүссэн юм. Тэгвэл УИХ-ын гишүүн Ч.Лодойсамбуу өөрийн цахим хуудастаа "Санал хураалтад орохоос татгалзаж танхимыг орхисон АН бүлгийнхэн" хэмээн дээрх зургийг оруулжээ. 

Өчигдөр болсон УИХ дахь АН-ын бүлгийн хуралдаанаар олонхын санал авсан тул үндсэн санал хураалтад оролцохгүй,  танхимыг орхин гарахаар болсон гэдгийг мэдэгдсэн. Тодруулбал, АН-ын бүлгийн 39 гишүүний 23 нь буюу 60 хувь дэмжиж, чуулганы санал хураалтад оролцохгүй байх нь зүйтэй гэдэгт санал нэгдсэн юм.