Баянзүрх дүүргийн нутаг дэвсгэрт айлын монгол гэр шатаж, таван хүн амь эрсэдсэн хэргийн талаар ЦЕГ-аас мэдээлэл өглөө.

ЦЕГ-ын Хэвлэл мэдээллийн төвийн мэргэжилтэн Э.Энхзаяа, 2025 оны 6-р сарын 4-5-нд шилжих шөнийн 01.25 цагт Цагдаагийн байгууллагад Баянзүрх дүүргийн 9-р хорооны нутагт дэвсгэрт оршин суух айл шатаж байна гэсэн дуудлага, мэдээлэл ирсэн.

Дуудлагын дагуу тухайн нутаг дэвсгэр хариуцсан цагдаагийн бүрэлдэхүүн, ШШЕГ-ын шинжээч эмч болон галын шинжээч зэрэг мэргэжилтнүүд ажилласан. Урьдчилсан байдлаар иргэн Х-гийн залгаж барьсан монгол гэр шатсаны улмаас насанд хүрсэн нэг иргэн болон 0-12 насны 4 хүүхэд нас барсан харамсалтай нөхцөл байдал тогтоогдсон. Шалгалтын ажиллагааг Баянзүрх дүүргийн цагдаагийн 3-р хэлтэст явуулж байна.

-Галын шалтгаан нөхцөл урьдчилсан байдлаар тогтоогдсон уу?
-Цагдаагийн байгууллагын жижүүрийн бүрэлдэхүүн хэргийн газарт үзлэг хийж, хөрсний дээж болон шинжээчийн дүгнэлт гаргахад шаардлагатай бусад дээжийг авч шинжилгээнд хүргүүлсэн. Шинжээчийн дүгнэлтэд үндэслэн галын шалтгаан нөхцөлийг тогтоох боломжтой.