Улаанбаатар хотод зам засварын ажил эхлээд буй энэ үед түр хаасан замуудын нэгдсэн мэдээллийг хүргэж байна. 

"Өргөө" амаржих газрын зүүн талын урагш, хойш чиглэлтэй Буянгийн авто замыг 7-р сарын 3-ны 22.00 цагаас эхлэн хааж, зам засварын ажил гүйцэтгэж байна. Уг замыг 7-р сарын 5-ны ням гарагийн 07.00 цагт нээнэ.  

Энхтайваны өргөн чөлөөний хэсэгчилсэн засвар, шинэчлэлтийн ажлын хүрээнд Багшийн дээдийн уулзвараас Бөхийн өргөө хүртэлх авто замыг хааж шинэчилнэ.

• Зам хаах: 2025 оны 7 дугаар сарын 4-ний 23:00 цаг
• Зам нээх: 2025 оны 7 дугаар сарын 6-ны өдөр 06:00 цаг

• Таван богд группийн уулзвараас Хан-Уул дүүргийн уулзвар хүртэлх авто замыг хаах үеийн нийтийн тээврийн зураглалыг танилцуулж байна. 

Хан Уул дүүрэг 1, 2, 20-р хороо, Чингисийн өргөн чөлөө гудамжны авто замын хэсэгчилсэн засвар, шинэчлэлтийн ажилтай холбоотой Таван богд ХХК-ийн уулзвараас Хан-Уул дүүргийн уулзвар хүртэлх авто замын засвар, шинэчлэлтийн ажилтай холбоотой авто зам түр хаах үеийн нийтийн тээврийн чиглэлийн зураглал.

• Зам хаах: 7 дугаар сарын 2-ны 23:00 цаг
• Зам нээх: 7 дугаар сарын 5-ны 06:00 цаг

• Баянгол дүүргийн 20-р хороо Эрчим хүчний гудамжны авто замын өргөтгөл, их засварын ажлын хүрээнд "ДЦС-4"-ийн зүүн урд талын уулзвараас Наадамчдын авто замыг Эрчим хүчний гудамжтай холбосон авто замын уулзвар хүртэлх замыг хааж, шинэчилнэ.

Ингэхдээ суурь, асфальт бетон хучилт, үерийн суваг дээр 2х4 хэмжээтэй 7 хос хоолой шинэчлэх болон замын трасст орсон дулааны шугам, цахилгаан шугам, холбооны шугам шилжүүлэг, хүчитгэлийн ажлуудыг хийж гүйцэтгэнэ.

• Зам хаах: 7-р сарын 01-ний 23.00 цаг
• Зам нээх: 8-р сарын 01-ний 06.00 цаг

100 АЙЛЫН УУЛЗВАРААС ДАРЬ-ЭХИЙН УУЛЗВАР ХҮРТЭЛХ АВТО ЗАМЫГ ХААЖ, ШИНЭЧИЛНЭ

Их тойруугийн авто замын шинэчлэлтийн ажлын хүрээнд 100 айлын уулзвараас Дарь-Эхийн уулзвар хооронд зорчих хэсгийн урд, хойд эгнээг хэсэгчилж хааж, шинэчилнэ. 

• Зам хаах: 7 дугаар сарын 01-ний 23:00 цаг
• Зам нээх: 7 дугаар сарын 4-ний 06:00 цаг

Тус авто замын зорчих хэсэгт өнгө асфальт бетон хучилт, тэмдэглэгээний ажлыг хийх тул иргэд, жолооч та бүхэн бусад замыг сонгон хөдөлгөөнд оролцоорой.