Сүхбаатар дүүргийн ИТХ-ын дарга Х.Нямдагва, Засаг даргын орлогч Ц.Өнөрцэцэг нар Тийболын азийн аваргын мөнгөн медальт баг тамирчдыг хүлээн авч уулзан баяр хүргэлээ. Эрдмийн хөтөч 58-р сургуулийн Д.Сумъяа дасгалжуулагчтай Demons клубийн баг тамирчид нь өнгөрөгч наймдугаар сарын 16-18-ны өдрүүдэд Япон улсын Токушима мужийн Анан хотноо зохион байгуулагдсан 16 дахь удаагийн азийн аварга шалгаруулах тэмцээнд эх орноо төлөөлөн оролцож, мөнгөн медаль хүртсэн юм.

Энэ үеэр азийн Тийболын холбооны дэд ерөнхийлөгч Каваүчи Широ “Монгол хүүхдүүд энэ спортоор маш богино хугацаанд амжилт гаргах боломжтой гэдгийг олж харсан. Азийн аварга шалгарлуулах тэмцээнд маш богино хугацаанд өндөр амжилт гаргасан багш, хүүхдүүдээр бахархаж байна.

Эх сурвалж: СБД-ийн Тамгын газар

Тийболын баг тамирчдаа амжилт гаргахад бүх талаар дэмжсэн дүүргийн Тийболын холбооны удирдлага, хамт олонд чин сэтгэлийн талархал илэрхийлье” гэв. Мөн азийн Тийболын холбооноос дүүргийн Тийболын баг тамирчдад дараагийн олон тэмцээнд амжилт гаргах, бэлтгэл сургуулилтаа хийхэд нь зориулж спортын 10 иж бүрдэл бүхий техник хэрэгсэл өгсөн байна. Сонирхуулахад, Тийболын спорт нь бейсбол, софтболтой дүрмийн хувьд ижил, зөөлөн бөмбөг, авсаархан цохиур хэрэглэн бэсрэг талбайд тоглодог аж.