“Номин Талст”, “Камертон” нүсэр тоглолт хийнэ
Рок попын ертөнцөд анх хөл тавьсанаасаа хойш хоорондоо өрсөлдөн, олон сайхан уран бүтээлээр фэнүүддээ бэлэг барин, баярлуулж байдаг тус хоёр хамтлагынхан хамтран тоглолт хийх гэж байна. "Номин талст", "Камертон" хамтлаг байгуулагдсаны 10 жилийн ой болохтой холбогдуулан уг тоглолтыг зохион байгуулж байгаа ажээ. Мөн "Номин талст" хамтлагын залуус хөдөө орон нутагт тоглолт хийх гэж байгаа нь тэдний үнэнч шүтэн бишрэгчдэд нь том бэлэг болох юм.

Дуучин Воbо шинэ цомог гаргахаар шийджээ
Түүний 2007 онд гаргасан "Газар дээрх" цомог нь 12 дуутай бөгөөд долоон клип нь үзэгчдэд хүрсэн юм. Дуучин Воbо "Аз жаргал хаалга тогш" дуундаа клип хийлгэсэн нь уг цомгийн хамгийн сүүлчийн клип буюу найм дахь уран бүтээл нь ажээ. Мөн тун удахгүй тэрээр "77 дугаар тойрог" нэртэй цоо шинэ цомгоо худалдаанд гаргаж, сонсогчид, фэнүүддээ бэлэг барина гэдгээ амлаж байна.

Бүх оддын тоглолт Дархан хотод болов
"Самдан-Чойдон" хийд байгуулагдсаны арван жилийн ой болохтой холбогдуулан рок, попын бүх одод нэгэн үдэш тэсрэлт хийв. МУГЖ Б.Сарантуяа, СТА С.Сэрчмаа, Отгоо, Б.Хонгор, "Fгееzоnе", "Татар", Воbо, “Flash” зэрэг залуусын сонсох дуртай хамтлаг, дуучин хүрэлцэн очиж ая дуугаа өргөв. Энэхүү тоглолт өнгөрсөн бямба гаригт Дархан хотын "Залуучууд театрт" болж өнгөрлөө.

“Гурван охин” хамтлаг стилээ өөрчилжээ
Сүүлийн үед уран бүтээлийн олз омог ихтэй байгаа тус хамтлагийн бүсгүйчүүд маань шинэ цомгийн ажилдаа шаргуу ороод байна. Цомог Р&В, транс стилийн арван дуунаас бүрдэж байгаа бөгөөд тусгайлан баг бүрдүүлэн их хүч хөдөлмөр зарцуулж байгаа аж. Тэдний дараачийн клипүүд нь бүжгийн хэмнэл аястай байх гэнэ. Тэд энэхүү уран бүтээлээрээ чадварлаг бүжигчид гэдгээ харуулахыг зорьж байгаа юм.