Эзэгтэй та нэг хэвийн загвар, түгээмэл өнгө, материалтай гал тогооноос уйдаж байна уу. Тэгвэл Kitchen All хэрэглэгч та бүхэндээ Италийн алдарт дизайнер Николас Хахамисын загварын тавилгаар бэлэг барьж байна.

Дэлхийн загварын чиг хандлагыг тодорхойлогч, урлагийн өлгий нутаг Италийн Милан хотын Политехникийн их сургуулийг архитекторч мэргэжлээр 1984 онд төгссөн, Грек улсын Архитекторуудын нийгэмлэгийн гишүүн Хахамис нь олон улсад гайхагдсан, хүлээн зөвшөөрөгдсөн дизайнер. Тэрбээр LAS Mobili, Forsit, Modulo, NEOS, ORA, SATO, UFFICINA зэрэг дэлхийн брэнд болсон компаниудтай хамтран ажилладаг.

Түүний бүтээлүүд дэлхийн загварын томоохон сэтгүүлүүдэд нийтлэгдэж, Дубай, Франц, Польш, Украин, Итали, ОХУ зэрэг олон улсын нэр хүндтэй үзэсгэлэнгүүдээс шагналт байруудыг удаа дараа авч байжээ.

Николас нэгэн сэтгүүлд өгсөн ярилцлагадаа “Kitchen all компанийнхаа бүтээмж, үр ашгийг сайжруулах үүднээс шинэ дизайн, загвар гаргаж байна. Тус компанийн шинэчлэл эхэлж, шинэ салбар дэлгүүр нээж байгаа бөгөөд уг дэлгүүрт миний хүсэл эрмэлзлийг агуулсан шинэ загвартай бүтээгдэхүүнүүдийг танилцуулж борлуулна” гэжээ.

Та алдарт дизайнер Николас Хахамисын загвараас цоо шинэ уур амьсгал, мэдрэмжийг олж авах болно.