Номын хорхойтнууддаа зориулан Интерном дэлгүүрт борлуулалтаараа тэргүүлсэн номнуудыг танилцуулж байна.

Өнгөрсөн долоо хоног буюу тавдугаар сарын 26-наас энэ сарын 1-ний хугацаанд энэ жагсаалтад хүүхдэд зориулсан номууд голчлон оржээ.

Тодруулбал, жагсаалтын нэгдүгээрт Б.Чимгээ, Д.Оюун, Д.Алтанцэцэг нарын “Монгол хэлний гарын авлага” ном оржээ.

Хэлний утга, хэлний бүтэц, хэлний хувиргал, хэлний соёл, хэрэглээ гэсэн 4 бүлэгтэй. Бүлэг тус бүрд эх, өгүүлбэр, үг, бүтээврийн утга, бүтэц, хувиргалтын ойлголтыг багцалж, жишиг ажлыг лавлагаа болгон оруулсан уг номыг ЕБС-ийн VI-XII ангийн сурагчид, их дээд сургуулийн мэргэжлийн ангийн оюутнуудад зориулан гаргасан байна.

Хоёрдугаарт Миний анхны дууны ном оржээ. Уг номонд хүүхэд, багачуудын дуулах дуртай “Маамуу нааш ир”, “Мөн дөө би”, “Гоё оо, гоё оо”, “Тоглоомууд”, “Болжмор”, “Хонхот хүүхэлдэй” зэрэг нийт есөн дууны үг, дуу болон аяыг багтаасан CD орсон байна.

Харин гуравдугаарт Орос ардын үлгэр "Манжин" оржээ.

4.Монгол ардын шилдэг үлгэрүүд
5.Дэлхийн түүхийг бүтээсэн 100 хүн /Б.Гиллилэнд/
6.Сэтгэлийн амин дэм, I: Сургамжит өгүүллэгүүд /Ж.Саранчимэг/
7.Нөхөрлөл /Х.Экслей/
8.Хүний бие (Гайхамшигт нүд) /К.Бингам/
9.100 жилийн ганцаардал /Г.Маркес/
10.Миний гэр (Миний анхны ном) тус тус оржээ.