Манай baina.mn сайт нь 2012 оны 4-р сараас үйл ажиллагаагаа явуулж эхэлсэн бөгөөд хэрэглэгчдээ нэн тэргүүнд тавьж, хамгийн чанартай, хамгийн сайн бүтээгдэхүүнийг санал болгодог учраас жил гаруйн хугацаанд Монголын интернэт худалдааны топ сайтуудын нэг болж чадсан.



Манай улсад интернэт худалдаа дөнгөж хүчээ аван хөгжиж байгаа ч ихэвчлэн хувиараа бараагаа зардаг, хэрэглэгчийн итгэлийг алдах гэхчлэн найдваргүй байх шалтгаан олон бий. Тэгвэл энэхүү орон зайг нөхсөн өргөн сонголттой, чанартай, шуурхай, итгэл даах үйлчилгээг бид санал болгож байна.
   
Интернэт худалдаа гэдэг нь цаг хугацааг хэмнэн, олдохгүй зүйлээ хайгаад сураглаад явах биш хормын дотор хайсан бүхнээ олохын зэрэгцээ таны үнэтэй цагийг хэмнэсэн амин чухал үйлчилгээ юм.
 
Бидний өдөр тутмын амьдралд богино хугацаанд их зүйлийг амжуулах шаардлага гардаг. Байрны мөнгөө төлөх, хүнсээ цуглуулах, өөртөө гутал, эхнэртээ даашинз, хүүдээ унадаг дугуй, охиндоо тоглоом авах мөн аялалд явах бэлтгэлээ базаах, майхан усны гутал, гар чийдэн гэх зэрэг зүйлсийг худалдан авахаар боллоо гэхэд энэ бүхнийг гадуур явж амжуулахад замын түгжрэл, авто зогсоол, олон төрлийн дэлгүүрээр хайх гээд хэдэн өдөр зарцуулах нь дамжиггүй.
 
Тэгвэл байрны мөнгө, хүнс цуглуулахаас бусад үйлчилгээг baina.mn сайтад хандсанаар сонголтоо чөлөөтэй хийж цаг хэмнэн, хоногийн аль ч цагт захиалга хийх боломжтой тул та ядрахгүй бухимдахгүйгээр ажлаа амжуулж болно.


 
Өнөө цагт интернэт худалдаа түргэцтэй хөгжиж байгаа ч найдвартай, тогтвортой үйл ажиллагаа явуулдаг нь ховор бөгөөд мэргэжлийн боловсон хүчин ч дутмаг байдаг.
 
Харин манай сайт энэ хоёр чиглэлийг холбон Монголд тогтвортой үйл ажиллагаа явуулж, олон улсын чанартай худалдан авалт хийх боломжийг олгож байгаагаараа онцлог. Манайх хамгийн баталгаатай, найдвартай, өргөн сонголттой сайтуудтай хамтран ажилладаг. Ингэснээр бид үйлчлүүлэгчиддээ олон давуу тал олгож байгаа юм.
 
Тус сайтад одоогоор Америк, Солонгос, Бээжингийн бүх брэнд, төрөл бүрийн бараа бүтээгдэхүүн өргөн сонголттой байгаа.

Үнийн хувьд үйлдвэрээс нь, гэрээт борлуулагчаас авч байгаа ч бид лангууны худалдаачдын адил бөөнөөр, дэлгүүрийн хямдралаар авдаггүй. Зөвхөн үйлчлүүлэгчийн хүссэн барааг тухайн цаг үед нь захиалж авдаг. Мөн гаалийн болон НӨАТ, ААНОАТ зэрэг татвар төлж байгаа учир үнийн хувьд харьцангуй гэж хэлж болно.

Тус сайтын худалдан авагчдын тэн хагас нь сонголтоо хийх чадвартай, мэдрэмжтэй, интернэт худалдаа хийж сурсан, эрснээ хүссэн үнээрээ авч чаддаг үйлчлүүлэгчид байдаг. Үлдсэн хувь нь энэ үйлчилгээг сонирхож, бас суралцаж, интернэт худалдааг ашиглаж эхэлж буй үйлчлүүлэгчид байдаг. Эдний хувьд алдаж, онох тохиолдол багагүй гардаг.
 
Мэдээж бид үйлдвэрлэгчид биш тул 100 хувь чанарыг амлаж чадахгүй, учир нь барааны чанар аль дэлгүүрээс ямар бараа сонгож авч байгаагаас шалтгаалдаг бөгөөд үйлдвэрийн согогтой /дефекттэй/ болон тээвэрлэх явцад гэмтэл гарсан, хагарсан, урагдсан эсвэл өнгө размерийг зөрүүлсэн бол манайх энэ хариуцлагаа 100 хувь хүлээн ажиллаж байгаа болно.