Өнөөдөр 11:00 цагт Төрийн ордны нэгдүгээр давхрын ёслолын танхимд Хөдөлмөрийн яам, "Оюутолгой" ХХК, Германы Олон улсын хамтын ажиллагааны байгууллага GIZ 2019 он хүртэл хамтран ажиллах Санамж бичигт гарын үсэг зурна.

Хөдөлмөрийн сайд Г.Баярсайхан, "Оюутолгой" компанийн Ерөнхийлөгч Эндрю Вүүдлий, GIZ-ийн Монгол дахь суурин төлөөлөгч хатагтай Улрике Эбелинг нар гарын үсэг зурах юм байна.

Санамж бичгийн хүрээнд Монголд ур чадвартай мэргэжилтэн бэлтгэх, сургуулиудыг чадавхижуулах зэрэг хөдөлмөрийн зах зээлтэй холбоотой олон асуудлыг хамтдаа шийдэхээр болж байна.